Haut ass am Wort een Interview mam Aurélien Joachim. Ich werde noch stärker spielen ass d’Haaptausso. No dräi Méint an dräi Goaler an der Eredivisie huet de lëtzebuerger Stiermer esou lues seng Marquë fonnt an trotz de Schwieregkeeten am physësche Beräich huet hie sëch als Stuermspëtz duerchgesaat. Mat den dräi geschoss Goaler ass hien och momentan beschte Buteur vu Willem II an dat trotz enger Verletzungspaus an de éischte Schrëtt am Profifussball.
Hien äussert sech och zu senger Kontraktsituatioun a kann sech net virstellen dem Profifussball de Réck ze dréinen.
Et kann een sech fir onse sympathesche Buteur freeën an dat net nëmme fir hie perséinlech mä och op Hisiicht op ons Nationalequipe. Wat e Profistiermer der Nationalequip brénge kann huet ee vrun zich Joer jo schonn mam Roby Langers gesinn.

Den Owend wielen Sportsjournalisten am Casino 2000 de Sportler vum Joer. Ënnert denen 9 Nominéiert sinn dräi Léiwen. Nieft Jeff Henckels, Dirk Bockel, Laurent Carnol, Bob Jungels, Raphaël Stacchiotti a Gilles Müller ass den Trio Gerson, Mutsch a Joachim. Et gett wuel eng ganz enk Entscheedung well et kee richtege Favorit dëst Joer gett.
Mir drecken natierlëch onse Futtballisten d’Daumen ! Vill Gléck Jongen

Dëse Freiden ( 14.12.2012) ass den Dan Da Mota am RTL Sport Club zu Besuch. Den Auteur vum schéinste Goal ( beim 1-2 géint Portugal) säit laangem oder besser gesoot de schéinsten iwwerhaapt an dem wichtegsten, beim 1-1 zu Belfast, an dëser Compagne huet bestëmmt genug z’erzielen. Ët heescht also eralauschteren. D’ Sendung fänkt um 13h30 un.

No jorelaangen Discussiounen ass endlech eng Entscheedung am Thema Nationalstadion gefall. De Romain Schneider huet de Moien um FLF Kongress erklärt datt de Stade Josy Barthel renovéiert gëtt. D’Entscheedung ass no enger Zesummenaarbecht mat der FLF gefall. Domadder sinn d’ Projet’en vu Léiweng an Déifferdeng vum Dësch. Trotzdem muss ee souwuel den Här Becca wei den Här Meisch luewen datt si sech iwwerhaapt fir de Lëtzebuerger Futtball agesat hunn. Och wann si natierlech dobäi hier eegen Interessie vertrueden hunn a bei enger Entscheedung fir hire Projet e gewësse Profit erausgespronge wier. Mä soit, den éischtgenannten huet de Steen un d’ rulle bruet an den Déifferdenger Buergermeeschter huet schlussendlech de leschten Drock ausgeübt fir datt endlech eng Decisioun gefall ass.

Um 17.November 2007 stoung e Mätch zu Rotterdam fir d’Rout Léiwen un, bei deem ech giff léien wann ech giff behaapten et wier fir mech e Mätch wi all aneren och: säit der EM 1996, als fir meng Generatioun „säit ëmmer“ hunn ech grouss Sympathien fir d’Elftal. Deemols, op der Europameeschterschaft an England, hunn ech eigentlech fir d’éischte Kéier bewosst Fussball gekuckt, (a wëll ech an der grousser Vakanz ëmmer an Holland war war Oranje op deem Tournoi „meng“ Ekipp) an ech hu mech an Zwëschenzäit dacks gefrot ob ech dee selwëchte Lien zum Fussball hätt wann ech deemols di Mätcher vun der Europameeschterschaft 1996 net gesinn hätt…

Geschter huet de Luc Holtz de Kader fir de Match geint Schottland publizéiert. Kleng Iwwerraschungen sinn och derbei. De Kevin Malget an den David Turpel si beikomm. Dem Verteideger vum F91 säi Retour gouf jo schonn bei Huel se! spekuléiert an den Ettelbrécker Stiermer huet an deser Saison mat 6 Goaler op sech opmierksam gemeet. Net derbei ass den Aurélien Joachim deen un weinst enger Reppeverletzung ausfällt.