Nationalekipp on De Blog iwwert d'lëtzebuerger Nationalequip

Um Wee zeréck

Mon, 31 Jul 2023 09:40:08 +0000

Den Eric Veiga am Interview mat HuelSe.lu. De 6fache Nationalspiller huet sech Zäit fir en klengen Interview mat ons geholl.

“Och dir, meng Jongen !”

Mon, 19 Jun 2023 06:15:22 +0000

“Tu quoque fili” sollen déi leschte Wierder vum Julius Caesar gewiescht si wou hien ënnert sengen 23 Mäerder de Brutus Marcus Iunius erkannt huet. Aus der Geschicht kann e natierlech vill erauszéien a léiere mä de Kär ass dat de Julius Caesar an de leschten Amenter vu sengem Liewen seng Verwonnerung iwwert d’Deelnam vu sengem Vertrauten um Komplott a Mord geäussert huet. De réimeschen Diktator hat eng besonnesch Bezéiung zum Republikaner, dem hien nom Biergerkrich, an dem hien op der Säit vum Pompeius an domadder géint de Caesar gekämpft huet, net nëmme Gnod gewäert huet mä duerno och zu sengen enkste Vertrauten a Statthalter vu Gallia Cisalpina gemaach huet.

Grouss Erwaardungen

Fri, 20 Nov 2020 15:39:31 +0000

Den Dënschden um 22:35, den allerleschte Match vun der Nations League 2020 ass nach an der Nospillzäit, huet d’Majoritéit vun den 100 Zuschauer déi am Stade Josy Barthel konnten dobäi si ganz aner Gedanke wéi de verpassten Opstig am Kapp. Wéi kommen ech elo um schnellste Wee Heem fir virum « Couvre-feu » um 23:00 dobannen ze sinn a, schlëmmer, wann et ze laang dauert an ech an eng Kontrolle falen, ass de Polizist esou fein fir en Aen zouzedrécke ? Dofir ass et beim Päife vum Felix Zwayer zu Zeene komm déi en sos nach net oft am Stade Josy Barthel gesinn huet. Eng Rei Zuschauer, déi schonn an hire Startingblocks an der Sortie gewaart hunn, si beim Trillern vum Arbitter senger Päif a Richtung Sortie an Auto las gesprint. De Stadion huet, bei engem Fussballspill, säin Numm nach ni besser gedroe wéi an deem Moment.

Richtungsweisend Partie !

Tue, 08 Sep 2020 07:50:18 +0000

Vahid Selimovic (Luxemburg #5)

Säit der dominanter Partie an der 2-1 Victoire am Aserbaidschan stellt sech d’Fro ob ons Léiwen esou gutt waren oder de Géigner e ganz schlechten Dag hatt. Ons Jongen kënnen den Owend géint de Montenegro déi richteg Äntwert ginn. D’Partie géint den aktuellen Tabelleleader gëtt richtungsweisend fir ons Ambitiounen an onse Spillstyle.

Meng éischte Kéier… am Schnéi

Tue, 14 Jul 2020 09:00:00 +0000

Alf-Inge Håland (Foto vu Spox)

Mäin éischte Match am Josy Barthel muss am Mäerz 1995 géint Norwege gewiescht sinn. Ech hunn virdrunner schonns Fussball verfollegt, am Ufank nëmmen EM (ab 1988) a WM (ab 1990), ab 1994 och däitsch Bundesliga (1860 a Kaiserslautern si bis haut meng Liblingsveräiner, deemools alle béid nach éischtklasseg), awer ëmmer nëmme virun der Telé oder virum Videotext a Radio. De legendäre Match géint Preisen 1990 hunn ech beispillsweis mat mengem Papp, engem Monni a menger Mamm zu Bieles gekuckt a mir hunn zweemol haart bei de Goaler vun de roude Léiwe gejaut vu Freed.

Meng éischte Kéier… Summer of 92

Fri, 10 Apr 2020 08:30:22 +0000

Ähnlech wéi beim Raym, fänkt mäin Fussballgedächtnis am Joer 1990 un.

Op déi ganz Magie vun Italia 90, Gianna Nanini, Völler vs Rijkaard an den 1. Panini Album kommen ech elo net méi zréck, well dat gouf jo schonn hiräichend beschriwwen. De legendäre Match géint Däitschland gouf och um Fernseh bei de Grousseltere gekuckt. Wat elo de Live-Fussball betrëfft, esou ass mäin Schlësseljoer 1992 (8 Joer). Als Escher Jong woar deen éischte offizielle Match natierlech op der Escher Grenz (Jeunesse-Hesper 3-1 mam Christian Hoffmann am Gol, deen déi Zäit vu sengem legendäre Papp René trainéiert gouf, esou hunn ech et mol emol am Kapp.)

Meng éischte Kéier… un autunno lussemburghese

Mon, 30 Mar 2020 05:35:00 +0000

d’Redaktioun vun Huelse.lu notzt déi gezwonge Paus, déi d’ganz Welt duerch d’CoVid-19 Pandemie trëfft, fir eng kléng Serie ze starten. Bei “Meng éischte Kéier” erzielen iech ons Blogger wéie Match se vun de Roude Léiwen als éischt am Josy Barthel gesinn hunn. Mir wëllen domadder net nëmmen iech eppes an der fussballarmer Zäit bidde mä och dem Stade Josy Barthel eng kléng Éier erweisen.

Charakter bewissen

Mon, 18 Nov 2019 16:51:03 +0000

Zum Schluss vun der Qualifikatioun fir d‘EM 2020 hatten ons Léiwen den Europameeschter an Nationsleague Gewënner 2019 op Besuch. Beim Trëffen mam der Weltklassennatioun Portugal huet sech ons Nationalequipe zwar missen 0-2 geschloë ginn mä huet an der éischter Halschent de Géigener phaseweis dominéiert !

D’Hoffnung lieft !

Sun, 29 Sep 2019 17:44:17 +0000

90 Minutten um Terrain, 2 Goaler, iwwerzeegend Leeschtung vum Edvin Muratovic !

Talent an Engagement !

Sat, 23 Mar 2019 10:23:07 +0000

Lëtzebuerg gewënnt méi wéi verdéngt am éischte Qualifikatiounsmatch fir d’EM 2020 mat 2-1 géint Litauen. Et muss en et soe wéi et ass, déi besser an talentéiertst Ekipp gewënnt dës Konfrontatioun.

Eng eemoleg historesch Chance

Thu, 15 Nov 2018 04:36:11 +0000

Um 20:45 trëfft Lëtzebuerg am Stade Josy Barthel op Wäissrussland.

No der Ausléisung vun der Nations League an dem Duerchliesen vum Kalenner hunn déi meeschte Supporter dorobber gehofft dat de läschten Heemmatch géint Wäissrussland den entscheedene ka sinn. Véier Matcher méi spéit ass et wierklech dozou komm a Lëtzebuerg, als Tabelleleader, trëfft op de wäissrussëchen Zweeten a ka mat enger Victoire den Owend net méi vun der Tabellespëtz erofgehäit ginn. Mat dëser éischter Platz géiwe mir net nëmmen an d’Liga C opstéigen mä mir huelen och nach un der Finaler Ronn deel, déi aus Halleffinal a Final besteet, bei der de Gewënner eng Platz bei der Europameeschterschaft 2020 kritt. Historesch !

Leader bleiwwen !

Thu, 11 Oct 2018 10:17:17 +0000

Muer den Owend probéieren ons Roud Léiwen zu Minsk d‘Platz vum Tabelleleader ze vertéidegen.

D’Lëtzebuerger Nationalequipe huet bis zu dësem Spilldag fäerdeg bruet a sengem Grupp mat 6 Punkten no 2 Matcher d‘Platz un der Sonn ze ergatterern.

Weider, ëmmer weider!

Mon, 10 Sep 2018 08:42:30 +0000

Nom historesche 4-0 vun e Samschdeg steet och schonn den 1. Auswäertsmatch vun der Nations League virun der Dier. Fir ons Léiwe geet d’Rees dës Kéier an den Zwergstaat San Marino, dee vu senger Taille hir ongeféier d’Gréisst vun eisem Mëllerdall huet!

Nations League

Sat, 08 Sep 2018 08:29:12 +0000

D’Weltmeeschterschaft 2018 ass säit knapp zwee Méint eriwwer. Niewt de Biller vun de grousse Momenter géint Enn vum Tournoi, wou eis franséich Noperen mat der Coupe hiren zweete WM-Titel feieren oder eis belsch Noperen de Matfavorit Brasilien eliminéiert hunn, bleiwen wahrscheinlech net just mir, mee och villen anere Supporter aus Lëtzebuerg nach ganz aner Momenter an Erënnerung:

Losst ons wéider dreemen !

Fri, 07 Sep 2018 05:00:08 +0000

Laang genuch hu mir elo dorobber gewaart a muer geet d’Nations League endlech un. Kritiséiert vu ville Säiten, wénkt um Ënn vun dëser néier Kompetitioun vun der UEFA ee Billjee fir d’Europameeschterschaft 2020. Eng gëllen Geleeënheet fir vill kléng Verbänn déi et soss duerch déi traditionell Qualifikatioun ganz schwéier hunn fir sech fir d’Europäesch Turnéier ze qualifizéieren.

Zar Olivier den éischten !

Wed, 22 Aug 2018 10:48:01 +0000

Verschidde Medieberichter no ass de Wiessel vum Olivier Thill bei den Ufa FC esou gutt wéi an drëschnen Dicher.

De Spillmaacher vum Progrès Nidderkuer wiesselt fir ronn 250.000€ an d’russësch Premier Liga, bënnt sech fir 4 Joër a gëtt den éischte lëtzebuerger am russësche Fussball ( de Mikhail Zaritski ass réischt no senger Ausbildung a sengen éischte Fussballeresche Schrëtt a Russland Lëtzbuerger ginn).

Pau neuve ?

Fri, 03 Aug 2018 18:47:29 +0000

Engem Bericht vun der République des Pyrénées no wier de Vincent Thill momentan, a bis en Donneschden, beim Pau FC (National) fir een Test.

Aus Iwwerzeegung

Thu, 02 Aug 2018 05:00:33 +0000

Ganz Fussballlëtzebuerg ass momentan liicht opgereegt wann et ëm de Ryan Johansson geet. De gréissten Deel Opreegung gëllt natierlech dem Faite dat de lëtzebuerger U19/U21 Spiller mam groussen FC Bayern München op Virbereedungs- an US Tuer war an do an de Matcher géint de PSG, der Juventus a géint Man City vill ze spille krutt. Et kënnt net oft vir dat e Spiller deen zu Lëtzebuerg ausgebildt gouf an duerch ons U-Auswahlen gaangen ass op esou engem Niveau ze spille krutt.

The Good, the Bad and the Ugly

Wed, 28 Mar 2018 07:10:34 +0000

The Good, the Bad and the Ugly

D’Joer 2018 start fir d’Nationalekipp mat engem gewonnenen an engem verluerene Match. Zäit fir een éischte Fazit no dësen zwee dach verschiddenen Testmatcher.

The Journey, GR Geschicht

Thu, 11 Jan 2018 08:02:45 +0000

Amateure vum Videospill FIFA vun EA kënnen säit 2 Joer an e Story-Modus erantauchen an sech als « Alex Hunter » zu engem Spiller vun der Extraklass entwéckelen. Den Hunter ass e jonke Shootingstar deen a sengem Premierleague Veräin (dir daerft e wielen) an a sengem Privatliewen verschidde Missiounen ze erfëllen huet bei deenen seng spilleresch a perséinlech Attributen beaflosst ginn.

Ech laafen der Konkurenz net fort

Wed, 10 Jan 2018 16:23:44 +0000

Chris Philipps dementéiert LW Artikel op huelse.lu

De lëtzebuerger Nationalspiller vum FC Metz dementéiert d‘Informatioun vum Lëtzebuerger Wort datt et fest steet dat hien am Wanter de Veräin wiessele soll.

Missioun Nations League startet lo !

Wed, 08 Nov 2017 08:42:11 +0000

Um Donneschden Owend mosst sech ons Nationalequipe géint Ungarn. De Frënndschaftsmatch gëtt um 20:00 am Stade Josy Barthel ugepaff an ass de läschte Match an dësem Kalennerjoer.

Dir hutt eis an schéinen wéi och an schwéiren Momenter ënerstëtzt!

Sat, 14 Oct 2017 06:19:44 +0000

De Luc Holtz huet op sengem Twitter-Account een emotionale Bréif un d’Supporter vun der Nationalequip geschriwwen.

Gutt gebrëllt Leiwen !

Wed, 11 Oct 2017 07:00:32 +0000

D’Lëtzebuerger Nationalequip hëllt zum Ofschloss vun der Weltmeeschterschafts-Qualifikatiounskompagne e wéidere Punkt beim 1-1 doheem géint Bulgarien.

fokuséiert vun Ufank un

Losst ons Solna vergiessen !

Tue, 10 Oct 2017 08:26:21 +0000

72 Stonnen no dem gréissten Debakel säit 35 Joer hunn ons Roud Léiwen den Owend géint Bulgarien d’Chance sech bei hiere Fans zréck ze kafen.

Nothing Toulouse !

Sat, 02 Sep 2017 05:00:38 +0000

Muer spillen ons Léiwen fir de Kont vun der WM Qualifikatioun zu Toulouse géint Frankräich.
D’Heemequipe ass nom sensationellem 4-0 géint Holland net nëmmen Tabelleleader mä och kuerz dovunner hier Qualifikatioun ze sécheren. Do kënnt dat klengt Lëtzebuerg jo grad richteg, oder ?
Mir soen einfach : NOTHING TOULOUSE !

Puer Gulden Léiergeld…

Sat, 10 Jun 2017 19:40:40 +0000

Dass et zu Rotterdam schwéier fir d’Rout Léiwe sollt ginn war gewosst. Dass um Enn awer sollt mat engem 5-0 déi héchsten Néierlag fir d’Lëtzebuerger an engem Qualifikatiounsmätch säit dem Oktober 2012 (engem 0-6 doheem géint Israel) zu Buch sollt stoen war natierlech eng Enttäuschung.

Lëtzebuerg – Cap Vert… herno ass een ëmmer méi schlau!

Thu, 30 Mar 2017 19:51:03 +0000

Herno ass ee bekanntlech ëmmer méi schlau.

No der 0-2 Défaite géint de Cap Vert freet een sech natierlech, ob et iwwerhaapt sënnvoll war, just e puer Deeg nom Qualifikatiounsmätch géint Frankräich en Testmätch ze maachen.

Am Flow bleiwwen a gewannen !

Tue, 28 Mar 2017 03:41:59 +0000

Aurelien Joachim mat voller Konzentratioun

Haut den Owend gëllt et d’Leeschtung vun e Samsde géint Frankräich ze bestätegen an endlech nees e Match ze gewannen.

Gudd Leeschtung géint de Vize-Europameeschter

Sun, 26 Mar 2017 10:01:27 +0000

Lëtzebuerg verléiert mat 3-1 géint Frankräich. Ons Roud Léiwen hunn de Vize-Europameeschter méi gefuerdert wéi déi meescht Footix’en geduecht hatten. Kloer wann een sech nëmmen op d’Resultater baséiert da wierkt d’lëtzebuerger Nationalequipe net wéi e Fussballmonster mä um Terrain “boxen” ons Männer ëmmer méi mam Géigner mat. Fir e “lucky Punch” ass et gëscht och esou just net duergaang.

2016, dat schlechtste Joer säit 2005?

Fri, 30 Dec 2016 14:57:01 +0000

Op eng Manéier war 2016 esou onerfollegräich fir d’Nationalekipp wéi säit iwwer zéng Joer net méi. Mä Zuele sinn zum Gléck net alles – mir kucken zréck op der FLF-Selektioun hir läscht 12 Méint!

Wat wier gewiescht…

Mon, 14 Nov 2016 14:21:08 +0000

No dësem flotte Match hu vill Lëtzebuerger de Stade Josy Barthel mat engem zefriddene Gesicht verlooss, trotz enger 1-3 Néierlag géint Holland. Zefridden an awer mam Gedanken “wat wier gewiescht wa mir haut ons Bescht derbei gehatt hätten”.

Vermasselt Generalprouf

Wed, 09 Nov 2016 22:08:50 +0000

Ons Lëtzebuerger Nationalequipe verléiert hieren Testmatch mat 2-4 géint de KV Mechelen.

Bei der Generalprouf géint de belschen Éischtliguist huet de Luc Holtz seng Männer am bewerten 4-4-2 op d’Stéck gescheckt.

Youn Czekanowicz Nummer 2 géint Oranje !

Thu, 03 Nov 2016 09:11:16 +0000

Wéi RTL gëschter scho bericht huet, wäert de Youn Czekanowicz d’Nummer 2 am Goal vun de Léiwen géint Holland ginn.

Irgendwéi e Klassiker…

Sun, 09 Oct 2016 07:47:31 +0000

E Freideg géint Schweden hunn d’Lëtzebuerger net schlecht gespillt – mee et muss een unerkennen, dass de Géigner einfach méi staark war. Eng weider Chance, déi éischt Punkten fir dëss Campagne anzefueren bidd sech fir d’Rout Léiwen schon dëse Méindeg auswäerts a Wäissrussland.

Oppene Bréif vum Luc Holtz

Sat, 10 Sep 2016 19:11:43 +0000

Dräi Deeg nom dramatësche Match zu Sofia huet de Luc Holtz, onse Nationaltrainer, sech Zäit geholl fir dësen “oppene Bréiw” ze schreiwen.

Jon Legend !

Thu, 25 Aug 2016 20:15:25 +0000

No 10 Joer a 84 Selektiounen ass dem Jonathan Joubert seng Carrière als Roude Léiw zu Enn.

De Nationaltrainer, Luc Holtz, huet haut der Press matgedeelt datt den Anthony Moris néi Stammkeeper vun der Nationalekipp ass. Et ass domadder den Enn vun engem Kapitel lëtzebuerger Fussballsgeschicht.

Enn vum Kapitel FC Metz ?

Mon, 08 Aug 2016 19:32:29 +0000

Fir de Chris Philipps gesäit et esou aus wéi wann d’Geschicht mam FC Metz zu Enn geet.

De Philippe Hinschberger huet am imterview mam Wort gesott dat de lëtzebuerger Nationalspiller “susceptible de partir” ass.

Lëtzebuerg ze schwaach fir Nigeria

Wed, 01 Jun 2016 13:33:50 +0000

Et war net dat beschte Lëtzebuerg, wat mer um Dënschden am Testmatch géint d’Super Eagles ze gesi kruten. Trotzdem gouf et eng Rei Erkenntnisser, een Debütant an ee flotte Gol.

Zeeche gesatt !

Tue, 29 Mar 2016 13:18:49 +0000

D’Männer ëm de Capo Batty B. Maachen wäerend den 90 Minutte vun haut keen aktive Support fir ons A-Ekipp. A platz gëtt haut ons U21 ugeféiert.

Jo Kiki, mir mengen et eescht

Thu, 24 Mar 2016 09:13:01 +0000

E vun de flottsten Amenter vum Fussballbegeeschterten Mënsch ass vrun engem Match vu senger Lieblingsekipp sech an d’Haut vum Trainer ze versetzen. Wann e sech vill mat senger Ekipp an dem Géigener beschäftëgt andeems en am Virfeld all Zeitungsartikel liesst, mengt en et géif en e Feeling dovu kreien wéi d’Opstellung ausgesi wäert.

Treffen zwësche Vergaangenheet an Zukunft a méi

Wed, 23 Mar 2016 13:28:21 +0000

De Freiden Owend spillen ons Rout Léiwen géint Zlatni Ljiljani . Dëst ass den éischten vun zwee Matcher am Abrëll wëll véier Deeg drop Albanien op Besuch ass. D’Preparatioun fir d’WM-Quali 2018 geet also lo lass !

Richtungswiessel

Fri, 01 Jan 2016 19:25:59 +0000

Wéi en haut am Quotidien liese kann besteet d’Méiglechkeet dat den Aurélien Joachim am Wanter d’Burton Albions verléisst.

De lëtzebuerger Buteur deen am Summer op d’Insel gewiesselt ass kënnt bei de “Brewers” net zum Zuch. Den Trainer Nigel Clough huet an engem Gespréich mam AJ13 verlaude gelooss daat hien och an de nächste Méint nach an der sëlweschter Situatioun ass. Gronn wier daat d’Ekipp momentan ganz gutt fonktionnéiert, also “Never change a winning team!”. Mat 12 Asäz an engem Gol gehéiert de Joachim fir de Clough net zu de wichtëge Spiller.

Reculer pour mieux sauter…?

Thu, 24 Dec 2015 10:46:00 +0000

Vum “Jeune Espoir 2014” zum “Footballeur du dimanche” – sou kéint een, iwwerspëtzt ausgedréckt, dem Dwayn Holter säi Wiessel zréck an d’BGL Ligue beschreiwen. Bleift et just bei engem temporäre Réckschrëtt?

D’Roud Léiwen am März géint Bosnien

Tue, 22 Dec 2015 17:10:38 +0000

D’FLF informéiert datt ons Roud Leiwen de 25te Mäerz géint Bosnien/Herzegowina spillt.

De Portugal-Test

Tue, 17 Nov 2015 12:41:14 +0000

Um 20:30 bestréiden d’Rout Léiwen e Frënndschaftsmatch géint Portugal am Stade Josy Barthel. Bei desem Testmatch geet et dorëmms déi rezent gutt Leeschtung géint Griicheland ze bestätegen.

90+1 = 1:0 !

Sat, 14 Nov 2015 08:59:20 +0000

Lëtzebuerg gewënnt mat 1-0 géint Griicheland. An der éischter Minutt vun der Nospillzäit schéisst den Aurélien Joachim mat engem Abstauber den Gol vum Owend.

Spuenien – Lëtzebuerg 4:0

Sun, 11 Oct 2015 13:09:00 +0000

D’Roud Léiwe verléieren géint d’Roud Furie mat 4:0 – trotz enger gudder Leeschtung. Huel se! war natierlech mat a Spuenien…

Manic Monday – our fun day?

Sun, 11 Oct 2015 09:10:24 +0000

Just 3 Deeg nom Match géint déi iwwermächteg Spuenier stinn eis Roud Léiwe virum leschten offizielle Match an dësem Joer an dëser Campagne.

Déi nächst dräi w.e.g.

Tue, 08 Sep 2015 05:15:08 +0000

Jo, et ass vläit e bessen ze vill z’erwaarden dat ons Léiwen zwee Matcher hannerteneen gewannen mä et wier einfach esou schéin Sechs Punkten an enger Woch ze kreien, zwou Tabelleplatzen gutt ze maachen an domadder déi véiert Tabelleplatz anzehuelen. Ze schéin fir wouer ze sinn ? Dreeme mir ? Egal, ons Léiwen schéinen och drun ze gleewen, Joachim a Payal hunn déi lescht Deeg an den Interviews méi wéi eng Kéier dovunner geschwat.

Mir wëllen net bleiwe wat mir sinn !

Tue, 01 Sep 2015 05:00:45 +0000

De Samsden 5 September spillen ons Léiwen um 18 Auer am Josy Barthel géint Mazedonien an dräi Deeg drop steet den Auswärtsmatch a Wäissrussland um Programm. No bal engem ganze Joer EM-Quali steet ons Nationalekipp mat engem Punkt op der lëschter Plaz vum Grupp C. Den 8 September 2014 hatte mir um éischte Spilldag Wäissrussland zu Besuch an trotz enger furiéiser éischter Halschent mat ville Golchancen hu mir et net färdeg bruecht déi dräi Punkten héiheem ze halen. Am Match drop, am Oktober a Mazedonien, huet et no 45 Minutten och ausgesinn wéi wann mir mat engem positive Resultat Heem fuere géiwen. Léider hatten déi meescht Zuschauer, um Ënn vum Match, an der “Nacionalna Arena Filip II Makedonski” duerch de Besart Abdurahimi e Grinsen op de Lëppsen. An der 92 Spillminutt hatt de genannte Spiller nämlech mat engem Sonndesschoss den 3-2 fir d’Heemekipp geschoss.

Iwweraschungen an Hoffnungen

Thu, 27 Aug 2015 12:14:21 +0000

Vrun engem Dag huet den Nationaltrainer de Kader fir déi zwee nächste Lännermatcher bekannt ginn. Nodeems de Joé Frising an den Anthony Moris, déi zwou Doubluren vum Jonathan Joubert, verletzungsbedéngt hu missen ofsoën gouwen zwee Keeper aus der Eierepromotioun nominéiert. Esouwuel den Andrea Amodio (Titus Péiteng) wéi de Valentin Roulez (FC Monnerech) spillen mat hiere Veräiner an der zweethéischster Klass am Lëtzebuerger Championnat.

Lëtzebuerg – Saint-Trond 1-3

Thu, 13 Aug 2015 18:46:57 +0000

Um Käercherbierg zu Habscht stoungen d’Lëtzebuerger Nationalekipp an de belschen Opsteiger Sint-Truidense Voetbalvereiniging sech um Mëttwochowend géigeniwwer.

De Luc Holtz huet op eng Rei Spiller, notamment och d’Profien déi am Ausland ënner Kontrakt stinn, misse verzichten. Sou stoungen Joubert, Martino, Bukvic, Delgado, Malget, Payal, Bohnert, Dragovic, da Mota, Bensi an Turpel an der éischter Elef vun de Roude Léiwen.

Première fir de Sébastien Thill

Tue, 11 Aug 2015 15:32:27 +0000

Den Nationaltrainer Luc Holtz huet fir de Frënndschaftsmatch géint St Trond (BE) de Sébastien Thill nominéiert. Datt den eelste vum Serge Thill sénge Kanner gläich den Trikot mam Roude Léiw droë géif, lung säit gewësser Zäit an der Loft. Den talentéierten Mëttelfeldspiller vum Progrès Nidderkuer glänzt scho säit Joeren am Dress vun de Giel-Schwarzen a seng rezent Leeschtungen géint Shamrock Rovers hunn den Luc Holtz schlussendlëch ganz iwwerzeecht him eng Chance ze ginn.

Lëtzebuerg – Moldawien, Nullnummer Nummer 3

Wed, 10 Jun 2015 06:05:30 +0000

An engem Verglach géint eng Equipe op eisem Niveau huet d’FLF-Selektioun sech laang schwéier gedo. Schon no 14′ huet de Joubert misse mat enger Glanzparad eng Kappball-Chance klären, mä duerno gouf et esou wuel vun de Roude Léiwen nach vun hiere Gäscht moere Kascht ze gesinn, e Match dee keen all ze héige Rythmus dran hat, woubäi d’Lëtzebuerger awer méi um Ball waren an e bësse manner technësch Onzoulänglechkeete gewisen hunn, wéi Moldawien.

Wat wëlls de soe Maxime ?

Fri, 03 Apr 2015 15:38:16 +0000

Net wéinëg Léit waren iwwert dem Maxime Chanot sengen Aussoën an der Pressekonferenz vrum Frënndschaftslännermatch géint Tiirkei iwwerrascht. An der,ronn 50 Minutëger, Konferenz huet de Profi vu Courtrai sëch iwwert d’Qualitéit vun der Berichtserstattung vun der lëtzebuerger Sportspress ausgeloss. Wann een him gleewen sollt da géif et e Malaise zwëschen de Nationalspiller an de Presseléit ginn. Esou schlëmm datt sëch deen Dag keen aneren wollt mam Luc Holtz op den Dësch sëtzen fir sëch de Froën vun de Medien ze stellen. Hien an eng Réih aner Spiller kéinnten net verstoën datt d’Sportsjournalisten ëmmer negativ iwwert d’Leeschtung vun onse Roude Léiwen berichten. Déi schréiwend Zonft géif ënner anerem e schlecht Bild vun der Nationalekipp wéiderginn an ët wier an de leschten zwee Joër net e positive Bericht iwwert se ze liese ginn.

Nünndüdjü!

Tue, 31 Mar 2015 21:18:10 +0000

Lëtzebuerg verléiert duerch en ofgefellschte Schoss an der 86 ‘ mat 1-2 géint Tiirkei.

Mehmet Ekici a Ben Payal am Loftkampf

Zilina

Tue, 31 Mar 2015 14:12:50 +0000

Marianske Namestie – den historeschen Zentrum vun Zilina, am Lëtzebuerger Volleksmond “d’Maartplaz”

Um Wee !

Tue, 24 Mar 2015 06:41:09 +0000

Lëtzebuerg spillt 2-2 géint den RSC Charleroi. De Maxime Chanot huet an der leschter Minutt den 2-2 geschoss. Den anere Gol geet op de Kont vum Da Mota

Dwayn Holter an der Top 5

Wed, 04 Mar 2015 16:24:22 +0000

Duerch e groussen Asatz vun sénge lëtzebuerger Supporter ass den Dwayn Holter an Top 5 vum Spiller vum Mount Februar vun der SpVgg Greuther Fürth gewielt ginn.

D’Roud Léiwen reesen op Lviv

Thu, 19 Feb 2015 15:06:00 +0000

Ons Nationalekipp spillt de 14 Juni hiere Qualifikatiounsmatch fir d’Euro 2016 géint d’Ukraine zu Lviv ( Lemberg).

D’Nummer 4 gëtt fräi

Tue, 20 Jan 2015 16:42:26 +0000

D’Journalisten hu sëch um Kapp gekraazt an d’Aen geriwwen. ‘Wou huet hien deen dann ausgegruewen?’ ‘Aus der 1. Divisioun?’ Domat hat wuel kaum ee gerechent.

Gerson wiesselt bei GIF Sundsvall

Sun, 11 Jan 2015 18:42:22 +0000

www.gifsundsvall.se

De Lars Krogh Gerson wiesselt fir déi néi Saison bei GIF Sundsvall a bléift dem schwédësche Championnat also tréi. Nodeems säi Kontrakt beim IFK Norrköpping ausgelaf war huet e geduet datt dem Gerson säi Wee éischter Richtung Süden a méi no vu Lëtzebuerg féiere géif. Onse “Vikinger” schéint awer vun de Responsabel vu Sundsvall iwwerzeecht ze gi sinn säi Gléck wéider a Schweden ze sichen. De Sportschef Urban Hagblom huet och nëmmen luewenswert Wierder fir de 24 Jäeregen. “Interessant”, “Gudder Arbeschtsmoral”, “kreatif” a “Pass sécher” sinn d’Termen mat deenen de Lars Gerson beschriwwe gëtt. Ët gesäit also net duerno aus wéi wann hien geholl gi wier fir op der Bänk ze versaueren. Dem Spiller selwer gefällt et zu Sundsvall gutt. Wéi hien op der Internetsäit vum Veräin erklärt, war hien am Dezember zu Sundsvall invitéiert an de Veräin huet e flotten Androck bei him hannerlooss. Lo géif hien sëch dorobber freeën séng néi Matspiller kennen ze léieren an d’Präparatioun fir déi néi Saison unzefänken. Wéider versprecht hien der Ekipp mat Asaatz an Erfahrung ze hëllefen fir d’Zieler vum Veräin ze ereechen. Am Fall vum Opsteiger kann et sëch nëmmen ëm de Verbléif an der Allsvenskan handelen.

Prix du jeune espoir fir den Dwayn Holter

Sat, 06 Dec 2014 12:25:21 +0000

Am Kader vun der Wiel zum Sportler vum Joer krutt den Dwayn Holter de “Prix du jeune espoir 2014”.

Den 19järegen Mëttelfeldspiller vun der SpVgg Greuther Fürth huet um nationale Plang den Duerchbroch gepackt an duerch séng gutt Leeschtungen am Trikot vun de Roude Léiwen sëch eng Plaz an der Stammformatioun vum Luc Holtz erkämpft.
Géint Weltstars wéi Pirlo oder Iniesta huet den Spiller mat der Nummer 19 sëch ganz gutt verkaf a bild mam Lars Gerson momentan d’zentralt Mëttelfeld vum néien 4-4-2.

Yarmolenko gett Lektiounen

Sun, 16 Nov 2014 08:29:52 +0000

Mir waren virum Match géint d’Ukraine virsichtlëch optimistësch a waren schlussëndlëch iwwerrascht wéi wéinëg ons, spillerësch, vum Weltranglëschte 19ten trënnt. E weltklasse Spiller, deen gëschter dräi Goaler ausgemeet huet.

Ouni Joachim géint d’Ukraine ?

Fri, 07 Nov 2014 19:01:57 +0000

Och wann de Luc Holtz den Aurélien Joachim nominéiert huet gesäit et net dono aus wéi wann onse beschte Stiermer géint d’Ukraine oplafen kéint.
Nodeems hien nees bei sengem Klub um Trainingsbetrieb deelgeholl huet schéinnt säi Muskelfasserress net auskuréiert gewierscht ze sinn. No sengem éischten Training hatt hien nees wéih an e Besuch beim Dokter soll der Deeg Opklärung bréngen.

D’Liewen an der Waardeschlaang

Fri, 24 Oct 2014 07:22:05 +0000

huelse.lu am Gespréich mam Chris Philipps

Den 20 joer jonke Profi vum FC Metz an Nationalspiller vu Lëtzebuerg huet sech nom Match géint de Stade Rennais FC Zäit geholl fir mat ärem Fanblog ze schwätzen.

Ee Fouss virun deen aneren

Tue, 14 Oct 2014 05:50:50 +0000

Déi éischt dräi Matcher vun der EM-Quali 2016 si gespillt – ee Punkt ass dobai erausgesprongen. Dat hat sech munchereen bestëmmt aanescht virgestallt. Wat fir eng Erkenntnisser kann een aus dem Optakt vun der Kampagn zéien?

De Roud Léiw hat se bal!

Tue, 09 Sep 2014 13:57:09 +0000

Mir schreiwen den 8.September 2014, quasi genau ee Joer nom Exploit géint Nordirland, 6 Joer nom Exploit an der Schwäiz a 70 Joer minus 1-2 Deeg no der Befreiung vu Lëtzebuerg duerch d’alliéiert Truppen.

Wäissrussland: Chance oder chancelos?

Mon, 08 Sep 2014 05:30:54 +0000

Lass geet et: EM-Qualifikation, Waissrussland am Stade Josy Barthel. Keen attraktive Géigner – mee ee machbaren?

Ee Kandidat fir d’Startformatioun: Dwayn Holter

Kee Gléck géint Fortuna

Wed, 13 Aug 2014 21:04:20 +0000

Lëtzebuerg verléiert en Testmatch géint Fortuna Köln mat 0:1 – krut dobai awer och 3 Goaler wéinst Abseits net unerkannt. De Gerard Mersch a Jeff Lascak hun iwwerdeems hiren Debüt gefeiert.

Um Wee

Fri, 08 Aug 2014 00:00:00 +0000

Wéi ët schéinnt ass en onglécklëchen Laurent Jans um Wee zréck an d’Heemecht. En iwwermotivéiert Katari huet am Testmatch zweschen den U20 vum Dundee FC an den U20 vu séngem Land dofir gesuergt datt dem Jans säin Test schonn no e puer Minutten zu Enn war. No engem Tackling huet onsen Nationalspiller missen ausgewiesselt ginn an krutt anschéinend no bruet datt et an deenen Ëmstänn kee Sënn mëscht méi lang a Schottland ze bleiwwen.
Am Quotidien erklären de Laurent a säin Agent, den Didier Philippe, datt de Manager vun Dundee FC de Laurent Jans gehalen hätt wann hien ondiskutablen Stammspiller gewierscht wier, dëst wier awer nët direkt de Fall gewierscht. Dem Jans séng Test-Odysee ass elo zu Enn komm an hien integréiert nees de Lëtzebuerger Championnat bei séngem Veräin, der Fola vun Esch.

Ëndlech ?

Tue, 05 Aug 2014 00:00:00 +0000

Nët schlecht gestaunt hunn d’Zuschauer de Freiden op der Grenz oder de Méinden beim “Goal” kucken wou se den Gilles Bettmer gesinn hunn. Nieft den 2 Goaler déi hien fir säin FC Déifferdeng geschoss huet, huet hien duerch eng kierperlëch Fitness erausgestach.
Dem Tageblatt huet de Gilles erklärt datt hien nieft extra Trainingsschichten och eng Diät mescht an esou 5 Kilo ofgeholl huet an lo an enger Form ass an der mir hien scho laang net méi gesinn hunn.
Nët nëmmen d’Zuschauer vum Déifferdénger Fusiounsveräin freeën sëch iwwert déi Nouvelle mä och déi vun der Nationalekipp géiwen sëch e Retour vun engem Gilles an Topform wënschen. Den SC Freiburg-Schüler gëllt bei de Roude Léiw Supporter als e vun de Liiblingsspiller aus den leschten Joër mä hien huet sëch duerch séng Liewensastellung an -Hygiene sëlwer an d’Abseits gestallt. Séng Lescht Nominéierung läit lo schonn bal zwee Joer hier an am Ufank vum Joër huet de Nationaltrainer an engem Interview mam Wort ganz kritësch Wierder zum Bettmer geäussert.
Ët war um Bettmer dorobber eng Äntwert ze ginn an ët schéinnt wéi wann hien, endlëch, d’Kéier kritt ze hunn.
De Gilles Bettmer huet 2005 mat 16 Joër säin Début ënnert dem Hellers ginn an huet 1 Goal am Dress vun der Nationalekipp geschoss. Mat elo 25 Joër bleift dem Gilles nach genug Zäit fir säin aktuellen Selektiounenstand ( 58 ) ze vergréisseren an d’Hoffnung déi an hien gestach gouwen ze erfëllen.
Ëndlech…

ROAD TO FRANCE – firwat net?

Fri, 11 Jul 2014 12:14:27 +0000

D’WM steet kuerz virun hirem Ofschloss, d’Lëtzebuerger Veräiner hunn an Europa leider ze fréi missen Äddi soen – trotz deels gudde Leeschtungen – déi verbleiwend Veräiner si schonn erëm an der Preparatioun fir d’nei Saison an de Programm vun eise Roude Léiwen fir déi nächst 2 Joer steet och scho méi oder wéineger.

Lëtzebuerg gewënnt géint RWO

Wed, 21 May 2014 19:44:22 +0000

D’lëtzebuerger Nationalequip gewënnt 2-1 zu Rouspert um Camping géint Rot Weiß Oberhausen. An der Paus loungen ons Männer duerch Goaler vu Mutsch an Deville mat 2-0 vir.
An der zweeter Halschent wou e groussen Deel vun onsen Profi’en ausgewiesselt gouwen konnt RWO duerch en Elefmeter op 2-1 verkierzen.
De Luc Holtz huet vum Match profiteiert fir verschidde Spiller nees e bessen Spillpraxis ze gönnen an och e puer néi Spiller am A Kader aus ze probéieren ( Holter, Marvin Martins, De Graça ). Gefeelt hunn déi Déifferdénger an Diddelénger Spiller déi sech de Freiden jo nach ëm d’Lëtzebuerger Coupe streiden.

Joubert out dir déi näechst zwee Lännermatcher

Mon, 28 Apr 2014 08:35:27 +0000

Ons Nummer 1 huet sech lescht Woch beim Training um Knéi verletzt an fällt, RTL Informatiounen no, bis zum Schluss vun der Saison aus. Hien feelt de Roude Léiwen also an den zwee Frëndschaftsmatcher géint Belsch an Italien an dem F91 Diddeléng an Endspuert vum Championnat an der Coupe.

Um Wee zu engem 3-5-2 ?

Tue, 04 Mar 2014 20:07:06 +0000

Enger RTL-Info no spillen ons Roud Léiwen muer vläit an engem ganz ongewinnten 3-1-4-2. Déi taktësch Ausrichtung déi hei gemengt ass, ass wahrschéinlech den 3-5-2. Déi kann een nawell zimlëch schnell an en 5-3-2 ënwandelen wann en a Bedrägnis geréit. Beim 3-5-2 spillt en mat dräi fixe Vertéideger, deen an der Mëtt kann d’Roll vun engem “Libero” iwwerhuelen an déi aner zwee sinn Innenvertéideger.
D’Fënnefermettelfeld besteet aus engem defensivem Mettelfeldspiller, zwee zentrale Mëttelfeldspiller an zwee offensiven Mëttelfeldspiller. Déi dräi “zentral” mussen d’Mëttelfeld zou machen an d’Heft an d’Hand huelen. Déi zwee offensiv Aussen mussen e nawell zimlëch lafintensive Job machen wëll se de Wee no vir sichen mä, ganz wichtëg, och de “Couloir” no hannen zoumachen.
D’Stiermer kennen sëch bei engem optimale Match op vill Flanken vun de Säite freeën. Bei engem méi starke Géigener muss en mol an der Mett mathellefen mä den aneren dierf sëch roueg méi héij halen.
Den Avantage vun esouenger Formatioun ass datt en de Géigener zimlëch héij hale kann an am Mëttelfeld schnell an Iwwerzuel ass an en esou kompakt stoë kann.
Den Désavantage ass datt en richtëg kompakt stoë muss an en vulnerabel iwert de Säiten ass. Spillt een, wéi muer, géint e ballsécheren Géigener deen schnell no vir spillen kann muss d’Ëmschalten vun der Offensive an d’Defensive zimlëch schnell ergoën well en soss schnell e Konter fänke kann.

D’Resultater vun der EM Quali Auslousung ELO !

Fri, 21 Feb 2014 00:00:00 +0000

Haalt iech un, är Equip vun Huelse huet dat Onméiglëcht Méiglëch gemeet an kann iech haut den Owend, also zwee Deeg vrun der offizieller Auslousung, d’Gruppeverdeelung mat deelen. En aalen Indianersproch huet ons et erméiglecht, mat enger Wahrscheinlechkeet vun 99,99%, eng Auslousung duerchzeféieren déi d’Resultater vun der Zukunft schonn Haut erfirbréngen kann. Op enger geheimer Plaz am Osten vum Land huet en Matarbeschter vun Huelse.lu, déi geféierlech Aktioun duerchgefouert. Huelse.lu huet dobäi kéng Méih a kéng Käschte gescheit an huet e quasi identëschen Kader zu der zukünfteger Zéihung zu Paräis gezaubert. Esoubal d’Kanner vum Schréiwer vun dësen Zeilen am Bett loungen, ass dëssen datt alt Buch op de Spéicher sichen gangen an huet beim Opstellen vun den Dëppen déi ominéisen Wierder geschwaat déi ons an Zukunft propulséieren. Nach schnell eng lusitanësch Fläsch Béier vun 25 cl opgemeet ( am Supermarché mat der Wüsteplanz a Promotioun) an déi éischt Schlupp erofgeschléckt, den Ament genoss wou op eng Kéier déi flott Souveniren vun der Auswäertsrees vu Coimbra eropgeschoss koumen an et goung las :

Gutt gebrëllt Léiw !

Sat, 09 Nov 2013 06:45:59 +0000

U sëch wollt ech mir mol nees Zäit huelen fir een ofschléissenden Bericht iwwert déi lëscht Quali-Compagne oder iwwert ons genial Auswäertsrees op Coimbra ze schreiwen mä d’Aktualitéit huet mir do e Strech duerch d’Rechnung gemeet.
Den 8 November 2013 huet nämlëch eng grouss Persoun vum Lëtzebuerger Futtball säi Recktrëtt vu senger Nationalequipscarriere bekannt ginn.
Nodeems den Luc Holtz dem René Peters matgedeelt huet datt hien net méi mat him plangt huet dësen missen erklären datt hien ni méi als Roude Léiw oplafen wäert.

Eng Kiischt um Schmant ?

Sun, 06 Oct 2013 07:06:51 +0000

Nach zwee Mätcher bleiwwen onse Léiwen bis dës Compagne eriwwer ass. Den 11ten Oktober spillen mir doheem géint Russland an véier Deeg drop spillen mir auswäerts a Portugal. Allebéid sinn se am Rënnen fir déi éischt Plaz an onsem Group an wa mir éierlëch sinn och zwou Equipen géint déi et quasi onméiglëch ass e positivt Resultat eraus ze huelen. Dofir wollte mir elo héi schonn e kléngen Bilan zéihen.
Mat bis elo sechs Punkten ass onst Zill schonn gut ereescht an mir kéinnten ons elo all op d’Schëller klappen an de Butték zoumaachen. Mä iergendwéi huet d’Ëntwecklung vun de lëschten Méint ons richtëg hongrëg gemeet an mir wäeren nët iwwerrascht wann ons Nationalequipe ons nach eng richtëg Iwwerraschung bereet hällt. Als Ofschloss vun de WM-Compagne engem Favorit d’Been stëllen ? Mir wëllen ! Ët wier d’Kiischt um Schmant vun éiser 6 Bulle Glace.

“ALLez ROUD”- e Fazit

Thu, 12 Sep 2013 18:21:47 +0000

Vrun e puer Wochen huet HUELSE zu der “ALLez ROUD!” Initiative opgeruff. Ziel vun der Aktioun war esou vill Léit wéi méiglech sëch a rouder Kleedung zum Lännermatch géint Nord Irland op de d’Arler Stross ze mobiliséieren. An dozou goufen och nach e Fanmatch organiséiert an et gouf zum Fouerapéro an engem Fan-Marche opgeruff.

Unbelievable !

Wed, 11 Sep 2013 18:48:50 +0000

“Unbelievable” dat muss sech esou much Nord Ireschen Supporter gëschter Owend gesott hunn wéi se gesinn hunn wéieent fussballerëscht Féierwierk ons Nationalequipe gezündt huet an wéi hier Green and White Army un d’Mauer gespillt ginn ass. Net nëmmen déi gutt 1200 matgereesten Fans si sech wéi an enger anerer Welt virkomm mä och déi vum Roude Leiw konnten hieren Aan net gleewen. Wéini huet en esoueng dominant Lëtzebuerger Nationalequipe gesinn ? Am leschten Heemmatch géint Litauen hatten dem Holtz seng Männer schonn zwee Gäng no fir geschallt mä géint Nord Irland gouf iergendeen “Nitrobooster” gedreckt. Fantastësch! Eng éischt Halschent wou déi 4400 Zuschauer nëmmen eng Equipe gesinn hunn mä trotzdem ass e Goal op béide Säite gefall. D’Gäscht waren esouguer géint de Laf vum Spill an der 14ter Minutt a Féierung gangen. De Patterson hatt den Jans um falschen Fouss erwescht an de Joubert mat engem Wäitschoss iwwerwonnen. Virdunner hatten nemmen déi Roud Leiwen hier Zänn gewissen an mam Lars Gerson sengem Kappball an der scharfer flacher Flank vum Da Mota op den Bensi hätt den 1-0 scho falle missen. Et ass duerno awer mam Lëtzebuerger Festival wéidergangen. E Fräistouss vum Bensi war nach knapps lanscht gangen a säi Wäitschoss konnt de Carroll nach parieren. Duerno huet de Gerson d’Latt mat engem flotte Schlenzer getraff eh den Joachim eng Konterchance an der Nospillzäit zum 1-1 erageschoss huet. Et wier och nëmmen ongerecht gewiescht wann ons Equipe mat engem Réckstand an d’Vestiaire gange wier. Lëtzebuerg huet och nom Pausentéi weider Damp gemeet an d’Nordiren an hier Halschent gedreckt. An der 56′ hatt den Carroll dunn eng Réckpass mat den Hänn ugehall. Den Bensi huet de Schoss knapps lanscht de Poto gesaat an hatt puer Minutten drop nach eng Goalméiglechkeet. Dunn hunn d’Nordiren fir eng gutt 10′ d’Heft an d’Hand geholl an ons Männer ënner Drock gesatt. An der 69′ huet den McKay eng Riesechance mä trefft nëmmen d’Aussennetz. D’FLF-Selektioun huet dunn awer eng zweet Loft krutt an an der 78′ leet den agewiesselten Luisi de Ball mat der Broscht op den ominpräsenten Bensi, deen sech dann aus 25 Meter en Häerz hëllt an mat engem platzéierten Schoss dem Carroll kéng Chance léist. Den 2-1 léisst de Stadion explodéieren an déi schonn ganz gutt Stëmmung kacht iwwer. Onméiglech watt 3000 Zuschauer ferdeg brengem wann de Fonken vun der Equipe op d’Räng eriwwer spréngt.

Lëtzebuerg am Fanmatch 1:3 ennerleeën

Tue, 10 Sep 2013 17:11:57 +0000

An engem héichklassegen Duell sin d’lëtzebuerger Fans um Enn 1:3 géint eng Auswahl vun Nordirlandsupporter ennerleeën. Dobai haat et laang gudd ausgesin, an an engem ausgeglachene Match stoung et an der Paus nach 0:0.

Néierlagslektiounen

Sat, 07 Sep 2013 08:21:46 +0000

Als Supporter vun der Nationalequipe ass een et jo gewinnt ze verléieren. An denen 20 Joer wou ech lo d’Mätcher vun der FLF suivéieren hunn ech der batterer Momenter vill erlieft. Déi elo hei op ze leschten géif d’Ruhm spréngen an esou vill Zäit huet wahrschéinlech och keen pensionnéierten Staatsfonctionnaire.
Watt déi Néierlagen an der Vergangenheet gemeng hatten, waren dat Gefill vun der Onmuecht. Seelen konnt en, objektiv betruecht, onsen Nationalspiller iergendeen Virworf machen. Wann en déi erfolleglos Mätcher géint de Liechtenstein a Malta mol op der Säit léisst. Ons Néierlagen waren ëmmer d’Resultat vun engem ze groussen Qualitéitsennerscheed zweschen ons an den aneren Natiounen. Séif dat op spillerëschem oder mentalem Niveau. Ons Géigener waren ons oft haushéij iwwerleeën an, datt mir als Verléierer aus deenen Konfrontatiounen erauskomm sinn, nëmmen logësch.
Lues a lues huet sech ons Equipe awer gebessert. Säit der Era-Hellers huet sech ons Selektioun professionaliséiert, huet grouss Fortschrëtter am Spillopbau, der Ballcirculatioun an der taktëscher Ausrichtung gemeet. Den Luc Holtz ass an déi selwescht Richtung wéidergezunn an huet niewenbei nach vum Erunwuesen vu Spiller wéi Philipps, Turpel, Jans an Bensi, der Professionaliséierung vum Joachim an och der Naturalisatioun vun engem Chanot profitéiert. Dat verbessert Spillermaterial féiert haut dozou datt mir géint Russland mat 2 Stiermer ( Turpel, Joachim) an engem 4-4-2 oplafen kennen. Dozou gesellen sëch am offensiven Mëttelfeld zwee Spiller ( Bensi, Da Mota) déi an hieren Veräin esouguer als Sturmspëtzt agéieren. Ween hätt esou ëppes nach vrun e puer Méint fir méiglech gehalen ?

Quitte ou double ?

Fri, 06 Sep 2013 09:18:32 +0000

Den Owend erward eng schwéier Arbescht op ons Roud Leiwen. Géint eng, duerch eng zimlech iwwerraschend Néierlag am August géint d’Nord Iren (1-0), motivéiert russësch Nationalequip mussen “ons Jongen” sech op en harden Match astellen. D’”Sbornaja” an hier Supporter erwarden näischt aneschtes wéi eng kloër Victoire géint ons um Wee vun Direktqualifikatioun fir D’Weltmeeschterschaft.

Testmatch géint Viktoria Köln

Mon, 02 Sep 2013 10:41:04 +0000

Haut um 19h soillen ons Roud Léiwen en Testmatch géint Viktoria Köln. Gespillt gett um Terrain vun der Victoria … vu Rouspert.
Et as de leschten Test vrun de Lännermatch a Russland an heiheem géint Nord Irland.
Fragezeechen ginn et hannert den zwee Folamen Bensi a Payal. Defintif net derbei sinn Chanot a Blaise.
Interessant ass des Partie schonn nemmen well den Trainer haut héischwahrscheinlech déi zwee Innenvertéideger zesummen teste wäert déi och zu Kazan zum Asatz kommen. No den zwee uewen genannten steet jo och den Hoffmann net zu Verfügung well hien giel-Suspendéiert as.

Néien Réckschlag

Sun, 01 Sep 2013 11:00:45 +0000

Schlecht Noricht fir d’Nationalequipe. Nom Maxime Chanot huet sech elo och nach de Guy Blaise verletzt a muss fir déi zwee nächste Matcher forfait erklären. Hien feelt dem Luc Holtz fir d’ Matcher a Russland an doheem géint Nord Irland.
Datt as elo den 4ten Innenvertéideger deen net oplafen kann. Nieft den zwee uewengenannten Spiller aus den belsche Liguen, feelt den langzäit verletzten Tom Schnell an de gesperrten Eric Hoffmann. De leschten kann awer den 10 September géint “Norn Iron” agesaat ginn. De Mario Mutsch ass am selweschten Fall…
De Luc Holtz ass net ze beneiden an et kann een gespannt sinn wéieng Léisung hien elo fennt. De Chris Philipps ass wuel gesaat mä ween spillt nieft dem Metzer Profi ? D’Chancen stinn wahrscheinlech net schlecht fir den Ante Bukvic. De laangen Déifferdenger gouf an der lescht net méi esou oft vum Nationaltrainer benotzt an vläit kritt hien elo d’Méiglechkeet fir sech ze beweisen.

De ganzen Dag nom Motto “ALLez ROUD”

Sat, 31 Aug 2013 06:04:45 +0000

Den 10 September 2013, Dag vum Retour Lännermatch vun onse Léiwen géint Nord Irland, ginn et fir d’Supporter vun der Nationalequipe am ganzen dräi rendez-vous’en.

Am Land vum Feier

Mon, 10 Jun 2013 22:41:46 +0000

En Méindeg 3ten Juni sinn ech mam Zuch op Basel gefuer, wou ech mech mam Schwäizer Groundhopper Martin S. getraff hunn. Zesummen sinn mir den Dag duerno iwwer Istanbul op Baku geflunn.

De Fiels an der Brandung

Mon, 10 Jun 2013 12:50:45 +0000

Watt hunn Lëtzebuergesch Futtballsfrënn sech Froe gestallt wéi déi éischte Kéier de Numm vum Maxime Chanot gefall ass. Ween datt wier an op hien den néidegen Niveau huet ware wuel déi Froen déi am meeschte gefall sinn.
Wou dann d’Ufangsequip vu Baku bekannt gouf konnt en sech schonn e kléngt Bild vum Neo-Lëtzebuerger maachen. Sympathesch a ganz Professionell waren déi éischt Andréck déi een duerch säin Optrëtt an den diverse Medie gewonnen hatt. Mat wuel iwwerluechte Äntwerten huet hien sech weder als Iwwermuecht nach als e Spiller mat zwee lénke Féiss presentéiert.
Eng Méiglechkeet fir den 23 Järegen um Terrain ze beobachten ass et fir de grand public net gi well d’FLF dës Kéier kee Virbereedungsmatch virgesinn hatt.
Esou ass et dann dozou komm datt de Chanot vru sengem éischten Asaz, op sportlecher Ebene, nach ëmmer e Rätsel fir déi meescht vun ons war.
Et huet awer net laang gedauert bis en de robusten Innenvertéideger a säi Futtballerhäerz eragelooss huet. A sengem éischten Nationalmatch wosst den Enkel vun enger Escher nämlech ze gefallen. An denen 90 Minuten huet en net den Androck gewonnen datt et säin Debut wier, säin Zesummespill mam Eric Hoffmann war bis op de Géigegoal excellent. Wann d’Aseri geféierlech goufen dann iwwert d’Säiten, wou Jans a Martino an den éischte 45 Minutten ier Problemer hatten. De Stuermzentrum war quasi inexistent well d’Mëtt vun de béiden Innenvertéideger zu enger Festung zougemauert gouf.
De Profi aus der Jupiler League huet sech et och net huelengeloos fir mat senge Matspiller ze schwätzen an se ze dirigéieren. All Kéiers wann d’Regie vum Aserbaidschanesche Fernseh Kameraen op hie gericht hatt war hien um gestikuléieren an um schwätzen.
Och wann hien am Virfeld vum Match behaapt hatt datt d’Relance en Domaine wier wou hie progresséiere misst war dovunner net vill ze gesinn. Datt eenzegt wat opgefall ass war datt hien oft déi spilleresch Léisung sicht an déi eng oder aner Kéier eng fir ons Spiller onkonventionell Pass gespillt huet. E Manko den awer mat der Zäit verschwanne wäert.
Duerch säin imposant Optrieden a senge futtballeresche Fähegkeeten huet hie schonn natierlech Leaderqualitéiten. Seng Matspiller hunn vu senger Rou am Spill profitéiert. Zesumme mam Hoffmann waren se de Fiels an der Brandung wou dem Berti Vogts seng Männer Gas ginn hunn. Ëmmer sinn se rouëg bliwwen, hunn d’Niewemänner dirigéiert, de Chanot mat sengem gudde Kappballspill seng meescht Dueller an der Loft gewonnen a virun allem de Géigener bewisen datt hiem net aus Zocker wier. Et ass e Verteideger dee wéi deet a konsequent an d’Zweekämpf geet.

Wee gëtt dann nach alles Futtballsprofi ?

Sun, 09 Jun 2013 18:20:48 +0000

Bis elo zielt ons Nationalequipe jo bekannterweis 5 Futtballprofi. Gerson, Mutsch, Joachim, Chanot a Phillips verdéngen am Ausland iert Brout mat onser Liiblingssportart. Den Deville nom Opstieg mat Elversberg an déi drëtt Bundesliga ass och nëmmen nach e Schratt vun engem Profivertrag eweg. Beim David Caiado muss an der Chamber datt néit Nationalitéitgesetz gestëmmt ginn well Profi ass hien jo schonn.
An esoueng Konstellatioun mécht och datt déi aner Roud Léiwen an de Fokus vun auslännesche Veräiner réckelen. Et ass kéng Iwwerraschung datt eng Nationalequipe an der ongeféier d’Halschent vun de Stammspiller Profi’e ass méi Scouten, Trainer an aner Veräinsoffizieller unzitt.
Nom gudde Match am Aserbaidschan hunn elo déi éischt Rumeuren de Wee an ons virtuell Redaktioun fonnt.
Déi éischt betrëfft de Laurent Jans an ass och scho sécher méi wéi nëmmen e Geräisch aus der Gerüchteküche. Dëse gouf iwwert de Roby Langers, Vertrauenspersoun vum Chris Phillips a Lëtzebuerger Futtballslegend mat gudde Kontakter zu de Grenats, zu engem serieuxen Thema beim FC Metz. De fréieren Nationalstiermer hatt e puer Interviewen an der lëtzebuerger Press gi wou hien de Laurent Jans un d’Häerz geluet huet de Schratt zum Profispiller ze woen. De bal 21 Joer aalen Folaspiller deen an dësem Joer den Duerchbroch an der Nationalequipe gepackt huet, huet sécher dat néidegt Potential fir dëse Wee ze goen.
Dat zweet Gerücht betrëfft en anere Folaspiller. A ween wonnert et datt et sech heibäi ëm de Stefano Bensi handelt. De Lëtzebuerger Futtballspiller vum Joer a Scorer beim 1-1 zu Baku wier um Sprong an Däitschland oder der Belsch de Wee vum Profi anzeschloen. Ëm wéi eng Veräiner et sech handelt ass net bewosst. Auszeschléissen ass an dem Fall esou e Wiessel net. Schonn 2009 hat den zweet beschte Buteur vun der Saison 2012-2013 de Schratt an d’Ausland gewot. No 6 Méint, 11 Matcher an 2 Goaler huet de groussgewuessene Stiermer dem KMSK Deinze awer nees de Réck gedréit an ass zréck an d’Heemecht komm. Ähnlech wéi beim Joachim kennt och dëst eng zweet Chance fir de 24 Järege Schëfflenger sinn. Eng Chance déi et zu gräife gëllt.

Spillerkader bekannt ginn

Tue, 04 Jun 2013 05:00:12 +0000

An dunn waren et der nëmmen nach 19 !
Nom Préparatiounsstage vrum Auswäertsmatch zu Baku gëtt den Luc Holtz säi Kader bekannt. Duerch déi schwéierer Verletzung vum Charel Leweck, der Gebuert vun engem Blaisejüngling, der Sperr vum Jänisch an der Nët-Nominatioun vum Bettmer feelen véier Roud Léiwen mat Erfahrung.
Besonnëg den Gilles Bettmer schéint an enger schwéierer Phas ze sinn. Eng Nët-Nominatioun wéinst feelender Form ass wéi e Schlag an d’Gesitt an och e Signal. Et schéinnt wéi wann et 5 vrun 12 geschloën hätt.

De Stef ass de Beschten

Mon, 03 Jun 2013 21:21:18 +0000

De Stefano Bensi gouf zum Futtballer vum Joer 2013 gewielt. Am “Challenge Guy Greffrath” huet hien vrum Marc Oberweis ( Jeunesse) an dem Thierry Steimetz ( F91) Plaz um Podium fonnt.
De Stiermer vun der Fola ass demno de Nofolger vum Aurélien Joachim, den am leschten Joer den Titel geholl huet.
De Stef, mat 20 Goaler beschte Buteur vum desjähregen Champion, huet den Titel ganz souverän mat iwwer 100 Punkten vrum Oberweis gewonnen.

Kader fir Aserbaidschan gouf bekannt

Sat, 25 May 2013 11:41:10 +0000

Am Virfeld vum Auswäertsmatch vum 7 Juni am Aserbaidschan huet den Luc Holtz säi 22 Mann Kader bekannt ginn.
Fir déi éischte Kéier ass heimadder och de Maxime Chanot nominéiert. Den 22 jäeregen Vertéideger ass domadder den 5ten Profi. Dem Trainer bidd sech esou d’Méiglechkeet an all Sekteur e Futtballsprofi opzestellen an d’Equip op den “Réckgratt” opzebauen. Eng Situatioun vun der een vrun e puer Joer mol net gewott hätt ze dreemen.
Bemerkenswiert ass och d’Nominéierung vun den 3 Jonken Sinani, Aleixo Delgado an Luisi.

Profi Nummer 5 !

Thu, 16 May 2013 21:42:56 +0000

Mat der Naturalisatioun vum gebiertgen Franzous Maxime Chanot gewënnt déi lëtzebuerger Nationalequipe iere 5ten Profi. Niewt dem aktuellen Spiller vu Beerschot, spillen jo schonn den Mario Mutsch, den Aurélien Joachim, den Chris Philipps an de Lars Gerson fir e professionnelen Futtballsveräin.
Dat de Chanot demnächst fir ons Roud Léiwen oplafen wäert, schéinnt nëmmen eng Fro vun der Zäit ze sinn. Kann Lëtzebuerg op e Spiller verzichten deen den Duerchbroch an der éischter belscher Liga gepackt huet ? Och wann säi Veräin et sportlech net gepackt huet an wéinst finanziellen Schwieregkeeten souwisou retrogradéiert gett schéinnt dem Chanot säi Wee an der Jupiler League weider ze goën. Nieft dem bekannten Interessi vum Sporting Charleroi soll nach en aneren Éischtliguist sech bei ihm gemellt hunn. De Spiller léisst sech awer nach e wéinëg Zäit eh hien eng Entscheedung trefft an wart nach wéider Offer of. Och wann seng spilleresch Fäegkeeten, éierlech gesott, ons e Rätsel sinn schéinnt säin CV dach genug impressionnant fir dovunner iwwerzeecht ze sinn dat hien ons Verteidegung verstärken wäert.

Eng nei Chance fir de Pedro

Sat, 11 May 2013 17:53:27 +0000

Eng nei Chance fir de Pedro ?

Nodeems de Joel Pedro vu sengem Formatiounsveräin Sedan zeréck op Lëtzebuerg komm ass leeft et zimlech gutt fir de jonke Mëttelfeldspiller. Den 20 Järegen huet sech am Starensemble vum F91Diddeleng duerchgesat an ass ee vun den eenzege Liichtbléck vum amtéierende Champion deen dëst Joer ouni Titel do steet.
Säit 2009 ass de fréiere Spiller vum FC Kehlen och am erweiderte Kader vun der Nationalequipe. Bis Februar 2012 huet hien insgesamt 8 Matcher fir d’Roud Léiwe gemeet. Säit sengem Schratt zréck an d’Heemecht ass awer kee Match dabei komm. An datt trotz senge gudde Leeschtungen an der BGL-Ligue.
De Luc Holtz behaapt datt de Pedro net méi beruff gëtt well hien sech eng Kéier verweigert hätt fir d’U21 opzelafen a kritiséiert seng Astellung. De Spiller seet datt dëst net stëmmt a mengt de Problem ze kennen. Well en awer net nennen.
Als Zuschauer kann een nëmmen hoffen datt déi zwee sech mol op en Dësch setzen an duerno bei Null nees ufänken. Der Nationalequipe géif e Spiller wéi de Pedro sécher gutt bekommen an als Nationalspiller géif dem Spiller säin Dram vun enger Proficarrière net ausgedreemt sinn.

E Schratt zréck ?

Mon, 06 May 2013 09:36:21 +0000

Haut goufe vu RTL Radio Lëtzebuerg Informatioune gesent déi soen datt den Aurélien Joachim ab nächster Saison nees am Land Amateursfuttball spillt. D’Rumeur schécken hien nees zréck bei de Fusiounsveräin vun Déifferdeng.
Den Aurélien Joachim ass jo bekannterweis no sengem gudde Parcours an der CL mam F91 am Ufank vun der Saison 2012/13 bei Willem II Tilburg gewiesselt am ass domadder e Futtballprofi ginn. Mat 25 Joer an no gescheitert Versich sech bei Veräiner wéi Alemannia Aachen oder VFL Bochum duerch de Biais vun den zweeten Equipen als Profi ze etabléieren, koum dës Chance wéi duerch e Wonner.
Direkt no senger Verpflichtung huet de Jürgen Streppel den Aurélien als Stuermspëtz opgesat a wann hien net verletzt war huet hien och ëmmer gespillt.
No dësem Futtballjoer kann ee roueg behaapten datt den Aurélien Joachim de Schratt an de Profifussball gemeeschtert huet. Als onbestridde Stammspiller huet hie mat 6 Realisatiounen a 25 Matcher déi meeschte Goaler vu sengem Veräin geschoss.
Leider gesäit de Bilan vu Willem II net esou gutt aus well se en Spilldag vru Schluss op der leschter Plaz vun der Eredivisie stinn. A vu datt de Retard op d’Barrageplaze 5 Punkte bedréit ass den Ofstig onvermeidlech. Zu Tilburg steet nächst Joer Jupiler Leagu um Programm.

Léiwendompteur bis 2015

Thu, 18 Apr 2013 13:54:44 +0000

D’FLF gett bekannt datt den Luc Holtz säi Kontrakt bis Enn 2015 verlängert huet.
Seng Trainertätegkeet als Nationaltrainer huet am August 2010 ugefangen nodeems den Guy Hellers der FLF seng Demissioun matgedeelt huet.
Och wann den Holtz net mat engem Plus vun Sympathiepunkten ugefangen hatt, huet hien seng Qualitéiten bewissen an onser Nationalequipe seng Handschrëfft opgedreckt.
Duerch hien krutt onst Spill eng méi offensiv Richtung an esou lues fannen mir och ëmmer méi dat richtëgt Gläichgewicht.

Schnell verletzt bis Ufank 2014

Tue, 16 Apr 2013 16:04:53 +0000

Ganz schlecht Norichten ginn et vum Galgebierg ze berichten. Nodeems den Tom Schnell um leschten Spilldag géint Kanech huet missen wéinst enger Verletzung ausgewiesselt ginn fällt haut Diagnose : Rass vun den Kräizbänner !
Domadder fehlt den Innenverteideger net nemmen der Doyenne vum Lëtzebuerger Fussball am wichtegen Schluss vun der Saison mä och onser Nationalequipe.
Et kann een dovunner ausgoën datt hien reischt am Januar 2014 zréck um Steck ass.
Mir wënschen eng gudd Besserung !

Profi Nummer 4!

Thu, 28 Mar 2013 09:10:12 +0000

Wéi verschidde Medien haut mellen, wäert de Chris Philipps haut um Donneschden sain éischte Profiskontrakt beim FC Metz ennerschreiwen.

Eise Géigner vun haut – Finnland

Tue, 26 Mar 2013 09:00:51 +0000

De Finnen ass e Freideg wuel di gréisst Iwweraschung vum ganze Spilldag gelong: 1-1 ass hiren Auswäertsmätch a Spuenien op en Enn gaang.

D’Causa Martins, oder: den Afloss vun der Press

Sat, 23 Mar 2013 17:50:11 +0000

No senger éischter Nominéierung fir d’A-Nationalekipp werft de 16 Joer jonke Christopher Martins Pereira een Dag virum Lännermatch d’Handduch. D’Ursaachen dofir sin zum Deel hausgemaacht.

Lëtzebuerg kritt den 2te Punkt

Fri, 22 Mar 2013 21:23:14 +0000

No engem 0-0 doheem géint den Aserbaidschan kritt Lëtzebuerg säin 2ten Punkt an dëser Compagne. D’Gläichspill geet u sech an d’Réih obwuel d’Roud Léiwen e bessen méi vum Match hatten. Aleng den Aurélien Joachim hätt keinnten 3 Goaler schéissen. Mat méi Réussite hätt ons Nummer 13 de Match aléng kennen entscheeden. Erauszehiewen bleiwwen ënner anerem, nieft der gudder collective Leeschtung, den Chris Philipps an den Laurent Jans. De Géigener war u sech zimlëch schwach, ausser enger Parade vum Joubert an engem Poteau Schoss an der éischter Halschent gouf et keng brënzlëch Situatioun an onsem 16 Meter. Wat en onser gudder Defensive uschreiwen kann an awer och dem schlechtem Spillopbau vum Vogts sengen Männer. Mol kucken wat mir am Juni zu Baku géint den sëlweschten Géigener maachrn kennen. No dësem Match ass e weideren Punkt de Minimum.

Que sera sera

Wed, 20 Mar 2013 10:42:37 +0000

De Luc Holtz huet fir de WM-Qualifikatiounsmatch géint den Aserbaidschan en néien Spiller nominéiert. Datt ass u sech näischt rares oder exeptionelles mä an dësem Fall ass ët vläit richtungsweisend fir d’Zukunft. Den Dan Colette gouf duerch den Chris Martins Pereira ersaat. Alter : 16 Joer.
De Spiller vum Racing gëllt als Riesentalent an polyvalent asetzbar. An der Jugend huet hien,nom Luc Holtz, éischter am Defensiven Secteur vum Spillfeld säin Onwiessen bedriwwen mä a sengem éischten Optrëtt mat der A-Equipe am Frënndschaftsmatch géint Saarbrécken huet hien am rietsen offensiven Mëttelfeld Plaz fonnt.
E weideren Beweiss dat et sëch ëm e ganz gudden handelt : ab nächster Saison stréckt hien seng Schung am Centre Tola Vologe, d’Talentschmied vum Olympique Lyon. De Club deen an de lëschten Joer Riesentalenter wéi Benzema, Rémy oder Govou erausbruet huet an säit dësem Joer nees mat Talenter aus der eegener Jugend ( Lacazette, Grenier, Gonalons) fir Wirbel an der Ligue 1 suergt. Dat kléngt villverspriechend an de Wiessel op Lyon ass an deenen Ëmstänn richtëg clever.
Elo muss een awer och drunn denken dat esoulaang den Chris Martins nach keng Minutt an engem offiziellen Match fir Lëtzebuerg gespillt huet, et d’Méiglechkeet gëtt datt hien nach fir d’Heemechstland vu senger Famill, de Cabo Verde, spillen kéinnt. Et wier also elementar wichteg wann hien dëse Freiden den definitive Schrëtt Richtung Lëtzebuerger Nationalequipe maachen géif. Datt géif vill Rouh an datt Ganzt brengen an den Drock vum Spiller huelen. Wat esoueng wichteg Entscheedung mat sech bréngt hu mir vrun e puer Joer am Fall Pjanic erlieft. Et wier schéin wann datt jidderengem erspuert bleiwwen geing.
Vergiessen däerf een an der ganzer Euphorie och net datt e Spiller mat 16 Joer nach lang keen fäerdegen Spiller ass. Vill Talenter, esou hoffnungsvoll se och waren, hunn de Sprong zum gestaanenen Spiller net gepackt.
Et soll een sëch, bei der Famill, der Federatioun, de Fans an natierlëch och beim Spiller selwer bewosst sinn datt munch Schicksalschläg wéi Verletzungen, Streidereien mat Trainer oder Matspiller oder schlecht Beroodung an finanziellen Entscheedungen dem Draam vum Fussballstar e Strich duerch d’Rechnung gemaach huet.
Wënschen dem Chris Martins dat hien de Sprong packt an him an der Lëtzebuerger Nationalequipe eng flott Zukunft erméiglëcht.

Aserbaidschan, en onbekanntent Fussballland

Fri, 01 Mar 2013 07:18:15 +0000

Ons Jonge spillen de Freiden den 22 Mäerz am Kader vun der Weltmeeschterschaftsqualifikatioun géint den Aserbaidschan. Um Pabeier ass d’Land aus dem Kaukasus sécherlech net den attraktiivste Géigner mä mir probéieren iech trotzdem an de Genoss vun dem Match ze bréngen. Ass et nëmme bei de wéinegste Lëtzebuerger Fussballfrënn de Fall dat schonn nëmmen de Gedanken un en Lännermätsch d’Häerz zum schloe bréngt a Virfreed sech breed mécht, ass bei de meeschten de Géigener dat wichtegst. Bei Matcher géint Portugal, Frankräich an Holland ass jiddereen dobäi awer wann den Aserbaidschan…, (“Gesondheet !” “Ech hunn net genéitscht Stippi, ech liese grad mäin Artikel iwwert den Aserbaidschan …” ” Ech hunn dir jo gesot dass dë solls e Schall undoen !” ) kennt … mä grad do läit dir falsch. Den Aserb… also d’Land um kaspësche Mier ass ee flotte Géigner wann een sech e bësse fir en interesséiert. Dat ass wéi mat der Vakanz. Wou läit de Ureiz a Portugal oder Holland ze goen ? Mainstream ! Scho gefillten dausend Mol do gewiescht. Wee kann da schonn op Facebook mat Instagramm Foto’en vu sech um Vëlo vrun enger Wandmillen oder beim Iesse vu Frikandele Punkten ? Genee, mir hunn ons verstan. Awer da maacht dat selwecht mol mat engem Bild vun engem Teller Duchbara oder mat iech op engem Päerd an de Bazardüzü als Hannerplang. Abenteuer pur ! Net grad sou ergeet et iech wann dir e Match vun onse Jonge géint den Aserbaidschan kucke gitt, awer bal.

Mchitarjan- Superstar !

Mon, 04 Feb 2013 13:13:30 +0000

Muer, de 5 Februar 2013, spillt ons Nationalequipe zu Valence a Frankräich e Frëndschaftsmatch géint Armenien. D’Land wat zwësche Georgien, Tierkei, Aserbaidschan an Iran läit ass e fussballerescht Rätsel. Wann en dem Gespréich vun de Supporter a Fussballinterresséierte Leit nolauschtert hätt Lëtzebuerg gutt Chancë fir muer e positiivt Resultat ze erreechen. Armenien konnt säit hirem éischte Match an dem Zerspläitere vun der UDSSR nach ni un enger Welt- oder Europameeschterschaft deelhuelen.
De meeschten ass dobäi entgaangen datt Armenien an der Weltranglëscht eng Plaz vrun onsem Angschtgéigener Israel läit an dat se mam Henrich Mchitarjan e richtege Superstar an hire Réien hunn. De 24 järege Mëttelfeld-Ass spillt säit 3 Joer fir Schachtar Donesk a mat engem Wäert vu geschätzte 17 Milliounen Euro zielt hien zu engem wäertvollste Spiller vu Fussballeuropa. An der aktueller Spillzäit huet hien ( toutes compétitions confondues) an 31 Mätcher 22 Goaler geschoss. Eng Bemierkenswert Statistik fir ee Mëttelfeldspiller.
Nieft dem Superstar kann een nach de Roman Beresowski eraushiewen. De Goalkeeper vum Dynamo Moskau spillt säit 1996 fir säi Land a genéisst bei de Supporter wéinst senge stabile Leeschtungen eng grouss Popularitéit.

Jonathan Joubert am Quotidien

Mon, 04 Feb 2013 12:29:13 +0000

De Jonathan Joubert, ons Nummer eent am Goal, huet dem Quotidien een Interview ginn. Liesst hei watt “de Jon” zu sengen Aufgaben, de Leeschtungen vun onsen Roude Leiwen an de Match géint Armenien ze soen huet.

En 1-1 am Testmatch geint Metz

Tue, 29 Jan 2013 21:03:29 +0000

Op engem verreenten killen Dënschden Owend trennt sech ons Nationalequipe mat engem 1-1 vum FC Metz.
De Luc Holtz huet d’Equipe an engem klassechen 4-4-2 opgesaat. Folgend Equipe stoung am Ufank um Terrain : Joubert – Jähnisch/ Hoffmann/Schnell/Jans- Da Mota/Peters ( cap)/ Philipps/ Laterza – Deville/Bensi.
Déi Ronn 150 Zuschauer hunn eng solid Leeschtung vun onse Léiwen, déi ouni Joachim, Gerson a Mutsch opgetrueden sinn,gesinn. Ausserdem huet och den Payal weinst Verletzung op en Asatz verzichten missen. Och wann d’Grenats wuel e bessen méi Ballbesëtz hatten, waren déi bescht Chancen op onser Säit. Mat e bessen méi Verméigen hätte mir an den eischten 45 Minutten och 1,2 Goaler schéisse kennen. Ënnert anerem hatten Bensi an Da Mota Chancen aus spëtzem Wénkel. D’Stiermer vu Metz hatten wuel och e puer Goalchancen mä 100 Prozentëscher waren kéng dobäi. An dobäi huet ons néi forméiert Innenvertéidegung och e puer Cado’en a Form vu Stellungsfeeler presentéiert. Kee Wonner vu dat d’Paire Schnell/Hoffmann jo nach net esou oft zesummengespillt huet.
An der zweeter Halschent gouf et dunn eng Réi Wiesselen. Ënnert anerem koum den Turpel fir den Deville. De Bensi ass och e bësse méi zréck gezu ginn an huet als 9,5 gespillt. Den Philipps ass nieft de Schnell an d’Innenvertéidegung gereckelt an den Hoffmann huet am defensive Mëttelfeld Plaz fonnt.De Laterza huet och mam Jans Positioune getosch. De éischtgenannte war och den aktiivste Spiller um Feld. Hien huet am defensive Spill net vill ubrennen gelooss an de Spiller vun der Fola wosst och am Spill no vir ze iwwerzeegen. Gescheit Säitewiessel, Debordementer an Ofschlëss stoungen um Programm.
Ab der 65 Spillminutt huet d’Spill e bëssen gelidden an et huet gewierkt wéi wann ons Spiller e bësse midd wieren. D’Metzer hunn do d’Heft e bësse méi fest an d’Hand geholl mä sinn awer nëmmen op Corner geféierlech ginn. Bei deenen Aktiounen huet de Joubert munchmol net ganz glécklech ausgesinn. Desen huet duerno awer zwou ganz flott Parade gewisen an huet ons am Match gehalen.
An der 84 Minutt huet dunn den Turpel zougeschloën. No enger gudder erausgespillter Aktioun iwwer lénks koum de Spiller vun der Etzella op der Strofraumgrenz un de Ball an huet mat engem flotte Crochet säi Géigespiller stoe gelooss. Äiskal huet hien duerno laanscht de Goalkeeper zum 1-0 eragesaat.
E puer Minutte méi spéit huet Metz ausgeglach an de Match war dunn och scho fäerdeg.
Fazit : e verdéngten 1-1 wou kee Leeschtungsennerscheed mat de Profien aus der Lorraine ze gesi war. E gudden Testmatch fir de Lännermatch geint Armenien ze prepareieren wou den een oder aneren bewissen huet dat hien hannert onsen dräi Profien Drock maachen kann.

Level up Super Mario !

Thu, 17 Jan 2013 07:37:49 +0000

Onsen Nationalspiller, deen fir dem Saibene séng Jongen vu St Gallen opleeft, huet dem Quotidien séng Ambitiounen fir dei noh Zukunft matgedeelt. De Mario Mutsch an séng Matspiller sinn als Opsteiger d’Iwwerraschung an der AXPO Superleague. No enger fulminanter Hironn beleeën se déi 3t Plaz. De “Super Mario” ass als Stammspiller um Posten vum rietsen Ausseverteideger e vun de Fundamenter vun deser Sensation. Level Up Mario, Europa schéint gräifbar !

pop pop populär pop !

Sat, 12 Jan 2013 08:51:50 +0000

Mam Duerchbroch zu Stammspiller an hire respektive Veräiner hunn ons dräi Profien, Gerson, Mutsch a Joachim natierlech och eng gewësse Popularitéit erreecht. Wéieen Spiller méi Trikot’en verkaf huet a ween déi Meescht Likes op Facebook krut kennt dir hei liesen.

Le Quotidien : Holtz Interview zum Trainingslager zu Belek

Tue, 08 Jan 2013 17:03:04 +0000

Wei gewinnt ginn et an Zäiten vun Trainingslageren ëmmer nees Interview’en mam Nationaltrainer. Haut ass een am Quotidien gedreckt ginn. Vakanz an der Tierkei ? Testspiller ? Trainingsobjektiver an e vermeintlëchen Clash mam Joachim sti zum Thema.

Dräi Néier am FLF Kader

Thu, 03 Jan 2013 22:01:42 +0000

Den Dënschden flitt ons Nationalequipe zum Trainingslager an d’Tierkei. De Stage zu Belek dauert bis de 15 Januar. Mat dobäi sinn fir déi éischte Kéier den Ricardo Delgado (Jeunesse), Michel Bechtold (Grevenmacher) an de Ryan Klapp (RFCU Lëtzebuerg). Nët dobäi sinn de Charel Leweck, de Laurent Jans, de Ben Payal, de Lars Gerson, de Mario Mutsch an den Aurélien Joachim ( den mat Willem II am Trainingslager zu…….Belek ass ).

Luc Holtz am Wort Interview

Thu, 03 Jan 2013 21:47:04 +0000

Muer ass am Wort een Interview mam Luc Holtz. Dodranner hellt onse Nationaltrainer zu enger ganzer Reih vun Themen Stellung. Den Titel (” Ich versuche mit jedem Spiller korrekt zu sein”) an dei 4 Froën an der “Vir-Ab-Web-Versioun” versprieche schonn vill.

E Réckbléck op d’Joer 2012

Mon, 24 Dec 2012 15:34:18 +0000

D’Feierdeeg stinn an d’Haus, d’Joer geet dem Enn zou a wéi dat dann üblech ass wëll ech och vun dëser Plaz aus eemol kuerz op d’Joer 2012 zréckblécken.

Mat de roude Léiwen am hellege Land

Tue, 30 Oct 2012 21:36:47 +0000

No zwee enorm interessanten Deeg mat engem Guide zu Jerusalem fuere mir (de Martin, ee Schwäizer Groundhopper vu Basel, den Daniel, ee Lëtzebuerger Judd, an ech) en Densdeg, de 16.Oktober, mam Taxi op Tel Aviv. Nom Anchecken an eisem Hotel man mir eis op de Wee an den David Intercontinental, wou eis rout Léiwen an d´Journalisten iwwernuechten.

Marketing géint den Zuschauerschwund

Sat, 27 Oct 2012 12:32:55 +0000

Hei e Lieserbréif, deen ech erëm fonnt hunn, deen eng Äntwert ob eng Analyse vum Wort vu virun 10 Méint war. Leider gouf dee Bréif nie verëffentlecht, dofir dart Ganz haut elo hei op huelse.lu (op däitsch, well ech en deemols op däitsch eraginn hat):

Ween ass hei de Chef ?

Wed, 24 Oct 2012 21:10:03 +0000

Mir waren nawell gutt an d’Qualifikatiounsronn vun der WM 2014 gestart andeems ons Léiwen de Portugisen e Been gestallt an een erkämpfte Punkt aus Nord Irland matbruecht hunn. Duerno krute mir an den zwee Mätscher géint Israel ons Grenze gewisen. An 180 Minutte krute mir 9 Geigegoaler geschoss. Wat engem dobäi opfale konnt ass datt a munch Situatiounen eng Persoun um Terrain gefehlt huet déi d’Equippe geféiert huet.

Déi richteg Paus zum richtegen Zaitpunkt

Mon, 22 Oct 2012 10:00:08 +0000

Et hat alles sou schéin ugefang: ee respektabelt Resultat géint Portugal mat enger Leeschtung, déi ee Punkt verdéngt gehat hätt, an eng manner gudd Leeschtung géint Nordirland mee trotzdem ee Punkt erkämpft. D’Enn vun der Geschicht as bekannt: 9 israelesch Goaler innerhalb vu 5 Dee kasséiert, Euphorie verflun, Fans enttäuscht.

Der Mega-Duché du Lëtzebuerg

Sun, 21 Oct 2012 06:03:10 +0000

Bei huel se! geet et, wéi der wësst, ëm Fussball. Politik gehéiert onser Meenung no net an de Stadion an net op den Terrain. Mee Politesch Entscheedunge betreffen natierlech och de Sport. Bei onse Belsche Frënn kennen si ee Lied dovunner sangen. Säit Joere bekämpfen sech d’Parteie vun de verschiddene Regiounen. An et gëtt oft domadder gedréit datt d’Land ausernaner fale kéint. Als Konsequenz géifen déi eng dann zu engem Autonome Staat ginn an déi aner géifen un aner Länner annexéiert ginn.

Paradoxon Luc Holtz

Tue, 16 Oct 2012 11:12:17 +0000

De Laurent Schüssler analyséiert gëschter an haut am Wort relativ gutt, wéi de Luc Holtz sech alt selwer an d’Bredouille bréngt matt Aussoen vis-à-vis vun der Press an och dee Moment a Punkto Equipenopstellung. Ouni elo op den Detail anzegoen, hunn ech effektiv heiansdo den Androck, datt munch Opstellung vun engem Spiller (wéi e Freideg Bukvic & Philipps an der Zentralverdeedegung) einfach aus Aktionsismus gemat get oder vläicht fir esouguer der Press, déi vläicht gutt analyséiert, ze weisen wie Chef ass. Dat ass natirlech schwéier ze beweisen, fest steht awer, datt vill Leit vu bausse fannen, datt net ëmmer déi stärksten 11 um Terrain steht.