Allgemeng on De Blog iwwert d'lëtzebuerger Nationalequip

“Och dir, meng Jongen !”

Mon, 19 Jun 2023 06:15:22 +0000

“Tu quoque fili” sollen déi leschte Wierder vum Julius Caesar gewiescht si wou hien ënnert sengen 23 Mäerder de Brutus Marcus Iunius erkannt huet. Aus der Geschicht kann e natierlech vill erauszéien a léiere mä de Kär ass dat de Julius Caesar an de leschten Amenter vu sengem Liewen seng Verwonnerung iwwert d’Deelnam vu sengem Vertrauten um Komplott a Mord geäussert huet. De réimeschen Diktator hat eng besonnesch Bezéiung zum Republikaner, dem hien nom Biergerkrich, an dem hien op der Säit vum Pompeius an domadder géint de Caesar gekämpft huet, net nëmme Gnod gewäert huet mä duerno och zu sengen enkste Vertrauten a Statthalter vu Gallia Cisalpina gemaach huet.

ROUT LÉIWEN: Den Opstig vun de Klengen

Sat, 11 Jun 2022 05:00:00 +0000

Virun net ze laanger Zäit an an enger net esou wäiter Galaxie…

ROUT LEIWEN

Episode III: Den Opstig vun de Klengen

D’Krallen eraus!

Sat, 09 Oct 2021 07:05:30 +0000

Nom spannende Fight tëscht eisen Nopeschlänner um Donneschdegowend an der Nations League Halleffinall, ass et elo endlech Zäit fir déi wierklech wichteg an interessant Matcher an dëser Fussballwoch. Mat Serbien heiheem a mat Portugal auswäerts zu Faro stinn des Kéier zwee richteg schwéier Brocken um Menü.

Eng nei Ära

Tue, 31 Aug 2021 06:58:02 +0000

Eigentlech ass et bësse komesch fir wärend enger lafender Campagne, déi am Fréijoer jo scho ganz erfollegräich ugefaangen huet, mat historesche Begrëffer wéi Ära oder Zäitalter ronderëm sech ze schmäissen.

Lëtzebuerg – Portugal 1-3

Wed, 31 Mar 2021 09:44:43 +0000

D‘Freed war rieseg nom 1-0 vum GR7

Eng ganz staark Leeschtung vun de Lëtzebuerger gëtt net belount.

D’Rout Léiwen hunn et Portugal immens schwéier gemaach an de Mätch ze fannen. Sëcher loosse sech géint e Matfavorit op den EM-Titel dësst Joer net all Golchance fir de Géigner vermeiden, mee nennenswäert Offensivaktioune vun de Portugiesen an der éischter halwer Stonn kann een eigentlech op enger Hand ofzielen… an déi puer Chancen, déi et goufen huet en Anthony Moris a Galaform paréiert.

Néierlag am Testmatch

Wed, 24 Mar 2021 19:24:41 +0000

D’Lëtzebuerger Nationalequipe verléiert mat 1-0 géint de Katar. Am Testmatch virun de Qualifikatiounsmatcher an Irland a géint Portugal huet de Nationaltrainer besonnesch deene Spiller Spillzäit geschenkt déi an der lescht net vill gespillt hunn.

Startschoss fir d’WM2022

Wed, 24 Mar 2021 03:58:57 +0000

Haut den Owend fält de Startschoss vun der wuel absurdster Weltmeeschterschaft an der Geschicht. 2022 moossen sech déi beschte Fussballlänner wéi gewosst am Katar an dëse Choix gëtt wéinst onwierdegen Aarbechtskonditioune fir d’Bauaarbeschter op de Chantier’en vun de Stadien, dem ökologeschen Ofdrock deen dës WM hannerléisst, der homophober Gesetzeslag an dem ancestrale Bild a Platz vun der Fra am Gaaschtgeberland, säit Joren ze Recht kritiséiert.

Arthillerie

Wed, 17 Mar 2021 15:55:11 +0000

Fir den Optakt vun der WM-Quali am Grupp A goufe fir déi éischte Kéier déi dräi Thill-Bridder gläichzäiteg nominéiert. Zwee Debütanten sinn och dobäi.

An der frëscher Loft

Sat, 27 Feb 2021 14:00:00 +0000

An dësem Artikel beschäftegt sech de Raym mat de Grënn firwat een an der nächster Phase vun der Pandemie d‘Fussballsterrain an d‘Tribüne opmaache soll.

Propaganda Grupp A

Wed, 09 Dec 2020 06:00:00 +0000

Een Dag no der Auslousung vun der WM-Qualifikatiounsgruppen, déi onser Nationalequipe Matcher geint den Europameeschter Portugal, Serbien, Irland an den Aserbaidschan geschenkt huet, koum d’Fifa mat enger weiderer Iwwerraschung. Wéi jidderee gespant op de Kalenner gewaart huet, huet de Fussball Weltverband de Gaaschtgeber vun der WM 2022 als „Special Guest“ agelueden. De Katar ass als 6ten Equipe an d’Programmatioun vun de Matcher vum Grupp A eragerutscht. Dat heescht all Natioun aus onser Grupp spillt nieft de Qualifikatiounsmatcher och zwee Matcher géint de Petrol Staat vum persesche Golf. D’”Heemmatcher” vum Katar ginn, weinst der grousser Distanz déi d’Equipe missten op sech huelen, iergendwou an Europa ausgedroën.

Grouss Erwaardungen

Fri, 20 Nov 2020 15:39:31 +0000

Den Dënschden um 22:35, den allerleschte Match vun der Nations League 2020 ass nach an der Nospillzäit, huet d’Majoritéit vun den 100 Zuschauer déi am Stade Josy Barthel konnten dobäi si ganz aner Gedanke wéi de verpassten Opstig am Kapp. Wéi kommen ech elo um schnellste Wee Heem fir virum « Couvre-feu » um 23:00 dobannen ze sinn a, schlëmmer, wann et ze laang dauert an ech an eng Kontrolle falen, ass de Polizist esou fein fir en Aen zouzedrécke ? Dofir ass et beim Päife vum Felix Zwayer zu Zeene komm déi en sos nach net oft am Stade Josy Barthel gesinn huet. Eng Rei Zuschauer, déi schonn an hire Startingblocks an der Sortie gewaart hunn, si beim Trillern vum Arbitter senger Päif a Richtung Sortie an Auto las gesprint. De Stadion huet, bei engem Fussballspill, säin Numm nach ni besser gedroe wéi an deem Moment.

Léiwen, déi ginn nimools op

Tue, 17 Nov 2020 06:05:00 +0000

No dem enttäuschendem Resultat vum Samschden Owend gëtt et Zäit aus der Lethargie z’erwächen.

Jo, déi 1-2 Néierlag an Zypern huet ons all enttäuscht an déi lescht dräi Deeg hate mir all Zäit um Ausgang vun der Partie ze knabberen an ons mat der batterer Realitéit auserneenzesetzen. Mir hunn d‘Heft net méi an der Hand a mussen dorobber hoffen dat d‘Zypern dem Montenegro e Fouss setzt.

Mir wëllen erop !

Sat, 14 Nov 2020 13:02:16 +0000

180 Minutten vrun engem historesche Moment. Anescht kann en den méiglechen Opstig an d’Liga B vun der Nations League net beschreiwen. Historesch!

Do ass se déi kléng Finale

Tue, 13 Oct 2020 06:09:46 +0000

Den Owend spillt ons Nationalequipe zu Podgorica um 20:45 géint de Montenegro. Et ass eng kléng Finale fir déi éischte Platz vun der Tabelle vun onsem Nations League Grupp an domadder den Opstieg an d’Divisioun B.

Sinani Doublé !

Sun, 11 Oct 2020 08:30:18 +0000

Gerson Rodrigues freet sech mam Danel Sinani

D‘Lëtzebuerger Nationalequipe gewënnt duerch e Doublé vum Danel Sinani mat 2-0 géint Zypern a bléift domadder am Rennen fir d‘Éischt Platz vu senger Nations League Grupp.

Zweet Geien

Thu, 08 Oct 2020 10:53:13 +0000

De Leandro Barreiro iergert sech mam Kevin Malget

Gëschter verléieren ons Roud Léiwen mat 1-2 géint Liechtenstein. 16 Joer no der blamabler 0-4 Néierlag doheem géint de Fürstentum brengen d’lëtzebuerger Nationalspiller et net faerdeg als Gewënner vum Terrain ze goën.

Quiz: kenns du all Debütanten ënnert dem Luc Holtz?

Tue, 08 Sep 2020 13:36:46 +0000

Säit 10 Joer trainéiert de Luc Holtz d’lëtzebuerger Nationalekipp elo schonn. 35 Spiller goufen ënnert him éischtmols an engem Lännermatch agesat. Kenns du d’Spiller nach all? Da maach mat bei eisem klenge Quiz!

Optakt gelongen !

Sun, 06 Sep 2020 11:00:58 +0000

Leandro Barreiro

Ons Roud Léiwe gewannen hieren éischte Match vun der Nations League 2020/21 mat 2-1 am Aserbaidschan.

D’Formatioun vum Nationaltrainer Luc Holtz war ganz gutt an de Match komm an hatte schonn an der 2ter Minutt d’Chance a Féierung ze kommen mä dem Maurice Deville säi Schoss war ze zentral.

Keng Nations League wéi eng aner

Sat, 05 Sep 2020 08:36:58 +0000

Eng fussballeresch Rentrée wéi keng aner. Fouerzäit ! Soubal den éischten Hämmelsmarsch Enn August iwwert de Glacis trëppelt, de Geroch vu Gegrills a gebrannten Nëss iwwert d‘Allée Scheffer wéit an d’Riserad bis an de Stade Josy Barthel liicht, klëmmt och de Bols béi de Supporter vun eiser Nationalequipe. Endlech ass et erëm esouwäit!

Meng éischte Kéier: ee skandinaveschen Owend am Abrëll

Sat, 02 May 2020 12:42:44 +0000

Mäin éischte Besuch vun engem Lännermatch am Josy Barthel koum relativ spontan zoustan. Duerno gouf de Wee op d’Areler Strooss awer eppes wéi eng Selbstverständlechkeet.

Meng éischte Kéier: Spuenien op Benelux-Tour

Sun, 19 Apr 2020 16:33:00 +0000

Mir schreiwen de 7.Juni 2000. E sonnege Mëttwochowend, dräi Deeg virun der Europameeschterschaft an der Belsch an an Holland. Um Wee op d’Europameeschterschaft leet Spuenien en Tëschestopp zu Lëtzebuerg an – a spillt op der Arëler Strooss e leschten Testmätch virun der EM.

Den FC Zorya Luhansk néie Veräin vum Chris Philipps ?

Mon, 30 Dec 2019 08:47:08 +0000

De lëtzebuerger Nationalspiller Chris Philipps steet virun engem Wiessel an d’Ukraine. Den FC Zorya Luhansk wéilt de polyvalenten Defensivspiller, deem säi Kontrakt Ënn des Joers ofleeft, an der Wanterpaus verpflichten.

Charakter bewissen

Mon, 18 Nov 2019 16:51:03 +0000

Zum Schluss vun der Qualifikatioun fir d‘EM 2020 hatten ons Léiwen den Europameeschter an Nationsleague Gewënner 2019 op Besuch. Beim Trëffen mam der Weltklassennatioun Portugal huet sech ons Nationalequipe zwar missen 0-2 geschloë ginn mä huet an der éischter Halschent de Géigener phaseweis dominéiert !

Endlech erëm e « Fouermätch »

Mon, 09 Sep 2019 10:52:54 +0000

E kuerze Bléck op de Kader vun de Serben geet duer, fir sech der Rolleverdeelung fir dësen Dënschdeg sécher ze sinn : géint Dusan Tadic, Filip Kostic, Luka Jovic a co sinn d’Rout Léiwen kloren Aussesäiter.

Nennt de Stadion „Léiwepark“ !

Wed, 03 Apr 2019 09:43:25 +0000

D‘Wort huet op hierer Facebooksäit vrun e puer Deeg eng Ëmfro zum Numm vum néie Stadion gemeet. Déi ganz Resultater kënnt dir op dësem Link (<//www.wort.lu/de/lokales/wort-leser-haben-entschieden-so-soll-das-neue-stadion-heissen-5ca36027da2cc1784e34122a> ) noliesen mä mir wëllen iech awer net virenthalen dat de gréissten Deel vun de Léit de Numm „Léiwepark“ ausgesicht huet.

De Start an eng néi Aventure

Thu, 21 Mar 2019 06:30:01 +0000

Dëse Freide geet fir d’Lëtzebuerger Nationalequipe mam Lännermatch géint Litauen d’Qualifikatioun fir d’EM 2020 lass. An dëser Campagne treffen d’Jonge vum Luc Holtz nieft de genannte Balten och op Serbien, d’Ukrain an op den Europameeschter Portugal.

“Fussball ass mäi Liewen a mäi Liewen ass de Fussball” – en Interview mat enger Trainerlegend!

Mon, 18 Mar 2019 06:51:58 +0000

De 25.Mäerz gëtt héchstwahrscheinlech Fussballsgeschicht geschriwwen : eng Selektioun vu Lëtzebuerger Supporter trëtt géint d’Kollegen aus der Ukraine un.

Dëss Lëtzebuerger Ekipp besteet aus M-Block Fanatics, Compadres Tridefa, der Missioun Grottekick, eiser Huelse-Redaktioun an enger Rei aner Supporter vun der sougenannter « richteger Nationalekipp ».

De Mätch gëtt um 17 Auer zu Hueschtert um syntheteschen Terrain ugepaff. Dir sidd selbstverständlech alleguer agelueden eis Ekipp ënnerstëtzen ze kommen. Ween et net op Hueschtert packt kann de Mätch awer och am FuPa-Liveticker verfollegen.

Virun dësem Spëtzemätch hate mir déi grouss Eier, mam Batty, dem Trainer vun de Roude Léiwen, ze schwätzen.

De Kader vun der Fannationalekipp

Fri, 15 Mar 2019 10:00:54 +0000

Huelse.lu zesummen mat der Missioun Grottekick presentéieren iech de Kader vun der Fannationalekipp, déi den 25 Mäerz 2019 am Stade Jos Becker (Terrain II/Synthetescheb) um 17:00 géint d‘Fans vun der Ukraine spillt.

Fënnef – Zwee – Dräi

Sun, 30 Dec 2018 10:41:06 +0000

5-2-3… wat sech op den éischte Bléck ugesäit ewéi eng Opstellung vun engem Helenio Herrera, Otto Rehhagel oder Louis van Gaal ass a Wierklechkeet soss näischt ewéi d’Bilanz vun de Lëtzebuerger Lännermätcher aus dem Joer 2018. Fënnefmol hunn d’Rout Léiwe gewonn, zweemol gläich gespillt a just dräimol verluer.

Hoffen op d‘“Wonner vu Serravalle“

Fri, 16 Nov 2018 13:43:49 +0000

Gutt zwee Méint ass et hier, dass mer mat de Roude Léiwen a San Marino waren. Et war eng flott Auswäertsrees, mir hunn am San Marino Stadium mat 0-3 gewonn an et goufen 3 Punkte fir Lëtzebuerg.

A genau do, um Fouss vum Titanbierg zu Serravalle, gëtt e Sonndeg den Owend d‘Partie tëscht San Marino a Wäissrussland gespillt. Dëse Mätch ass wahrscheinlech déi lescht Chance fir d‘Rout Léiwen, d‘Playoffs awer nach ze erreechen.

Eng eemoleg historesch Chance

Thu, 15 Nov 2018 04:36:11 +0000

Um 20:45 trëfft Lëtzebuerg am Stade Josy Barthel op Wäissrussland.

No der Ausléisung vun der Nations League an dem Duerchliesen vum Kalenner hunn déi meeschte Supporter dorobber gehofft dat de läschten Heemmatch géint Wäissrussland den entscheedene ka sinn. Véier Matcher méi spéit ass et wierklech dozou komm a Lëtzebuerg, als Tabelleleader, trëfft op de wäissrussëchen Zweeten a ka mat enger Victoire den Owend net méi vun der Tabellespëtz erofgehäit ginn. Mat dëser éischter Platz géiwe mir net nëmmen an d’Liga C opstéigen mä mir huelen och nach un der Finaler Ronn deel, déi aus Halleffinal a Final besteet, bei der de Gewënner eng Platz bei der Europameeschterschaft 2020 kritt. Historesch !

The Journey, GR Geschicht

Thu, 11 Jan 2018 08:02:45 +0000

Amateure vum Videospill FIFA vun EA kënnen säit 2 Joer an e Story-Modus erantauchen an sech als « Alex Hunter » zu engem Spiller vun der Extraklass entwéckelen. Den Hunter ass e jonke Shootingstar deen a sengem Premierleague Veräin (dir daerft e wielen) an a sengem Privatliewen verschidde Missiounen ze erfëllen huet bei deenen seng spilleresch a perséinlech Attributen beaflosst ginn.

“Eng Aart inoffiziellen Ambassadeur”… oder: scho rem 10 vun 10!

Fri, 20 Oct 2017 09:27:13 +0000

Fir d’drëtte Kéier hannerteneen huet de CK, hei op huelse virun allem als Auslandkorrespondent fir „exotesch“ Auswäertsmätcher aktiv, allen 10 Qualifikatiounsmätcher vun de Roude Léiwen gesinn.

Besser wéi 1996 !

Mon, 16 Oct 2017 11:02:37 +0000

De Rekord vun 1996 ass gebrach ! Ons Roud Léiwen sprangen vun der 101 op déi 93 Platz an der FIFA Weltranglëscht. Domadder ereechen dem Luc Holtz seng Männer de beschte Klassement an der Geschicht.

Dir hutt eis an schéinen wéi och an schwéiren Momenter ënerstëtzt!

Sat, 14 Oct 2017 06:19:44 +0000

De Luc Holtz huet op sengem Twitter-Account een emotionale Bréif un d’Supporter vun der Nationalequip geschriwwen.

Eng Course géint d’Zäit

Fri, 08 Sep 2017 10:40:31 +0000

“Nach 10 Minutten…” d’Nervositéit ass bal net aus ze halen, d’Hänn si schweeseg, d’Häerz schléit esou fest dat et am Kapp trommelt.
“Nach 5 Minutten, Jongen ech halen et net méi aus ! Dat Waarde mécht mëch verréckt…”
“Beroueg dech, mir packen et schonn”
“Ee Moment, ech hunn eng Iddi”
“Hey Monsieur, vous nous ramener au Stade pour 10€ ?”

Bravo

Fri, 01 Sep 2017 06:31:12 +0000

Losse mir ons éierlech sinn, am Virfeld vum Match hunn déi maanst onser Nationalequipe zougetraut e positivt Resultat géint Wäissrussland ze maachen. Dat loung net um Géigener mä un der laanger Lëscht vun Ausfäll fir d’Duebelkonfrontatioun géint Wäissrussland a lo e Sonnden a Frankräich. Moris, Schon, Mahmutovic, Lars Gerson, Mutsch, Chanot, Laterza a Bensi verletzt a Kiki Martins a Malget gespaart. Soit ons quasi ganz Ofwierréih an hiere direkten Ersatz.

Lëtzebuerg – Cap Vert… herno ass een ëmmer méi schlau!

Thu, 30 Mar 2017 19:51:03 +0000

Herno ass ee bekanntlech ëmmer méi schlau.

No der 0-2 Défaite géint de Cap Vert freet een sech natierlech, ob et iwwerhaapt sënnvoll war, just e puer Deeg nom Qualifikatiounsmätch géint Frankräich en Testmätch ze maachen.

Gleeft drun !

Sat, 25 Mar 2017 06:10:15 +0000

De “Roude Léiw géint de Hunn”… an der Déierewelt wier kloer ween dësen Duell gewanne géiw mä wann den Arbitter de Match de Samsden Owend upäifft da si natierlech d’Franzousen de grousse Favorit.

Am Gedenken un en treie Supporter vun de Roude Léiwen…

Mon, 14 Nov 2016 20:45:12 +0000

Eng ganz traureg Noriicht huet eis de Weekend ereecht: de John Muno, Eirepräsident vum FC CeBra01, huet eis d’lescht Woch fir ëmmer verlooss.

Vermasselt Generalprouf

Wed, 09 Nov 2016 22:08:50 +0000

Ons Lëtzebuerger Nationalequipe verléiert hieren Testmatch mat 2-4 géint de KV Mechelen.

Bei der Generalprouf géint de belschen Éischtliguist huet de Luc Holtz seng Männer am bewerten 4-4-2 op d’Stéck gescheckt.

Enormen Interessi um Jans !

Tue, 08 Nov 2016 11:16:45 +0000

Dem Laurent Jans seng gudd Leeschtungen an der Nationalequipe a bei Waasland Beveren bleiwwen net onbemierkt.

Wéi haut am Le Quotidien steet sti Veräin Schlang fir den Ausseverteideger ze verpflichten.

E Bléck op den nächste Géigner: Holland

Mon, 07 Nov 2016 18:08:34 +0000

Et war de 9.Juli 2014, géint véirel fir 8 lokaler Zäit zu Sao Paulo… de Maxi Rodriguez leeft un a schéisst en Elefmeter… de Jasper Cillessen kënnt un de Ball, kritt e widdert d’Lat deviéiert – mee vun do aus spréngt de Ball an de Gol. Argentinien steet an der WM-Finall 2014.

Och wann Holland puer Deeg drop nach sollt den Mätch em d’Drëtt Plaz gewannen, sou ass mat dëser Halleffinall zu Sao Paulo awer eng grouss Ära am hollännesche Fussball op en Enn gaang.

Irgendwéi e Klassiker…

Sun, 09 Oct 2016 07:47:31 +0000

E Freideg géint Schweden hunn d’Lëtzebuerger net schlecht gespillt – mee et muss een unerkennen, dass de Géigner einfach méi staark war. Eng weider Chance, déi éischt Punkten fir dëss Campagne anzefueren bidd sech fir d’Rout Léiwen schon dëse Méindeg auswäerts a Wäissrussland.

Du weess dass de Fan vun der Nationalequipe bass…

Fri, 16 Sep 2016 17:06:41 +0000

Du weess dass de Fan vun der Nationalequipe bass…

Oppene Bréif vum Luc Holtz

Sat, 10 Sep 2016 19:11:43 +0000

Dräi Deeg nom dramatësche Match zu Sofia huet de Luc Holtz, onse Nationaltrainer, sech Zäit geholl fir dësen “oppene Bréiw” ze schreiwen.

Den Island-Modell

Wed, 29 Jun 2016 05:18:32 +0000

Den Island-Modell

Ausbildung als Schlëssel vum Erfolleg.

Et ass ee regelrecht Mäerchen datt sech bei der Euro 2016 a Frankräich ofspillt, Island huet de Sprong bis an d’Véierelsfinall gepackt. Mat hiren heldenhafte Leeschtungen hu se sech an d’Häerzer vu ville Fussballfan gespillt a gëlle bei villen “Fussballzwergenatiounen” als Virbild.

Huelse-netsoueescht: D’Supporter op der Europameeschterschaft…

Sun, 12 Jun 2016 08:39:41 +0000

All zwee Joer, irgendwann tëscht de Barragemätcher (dat ass, wa 1492 Zuschauer verzweifelt zu Kanech no enger Parkplaz sichen) an der Qualifikatioun fir d’Coupe d’Europe (dat ass, wa viru 634 Leit am Nosbaumstadion zu Diddeléng d’Champions League Hymn ertéint) mutéieren op eng erstaunlech Manéier fir e Mount all Leit zu Fussballsexperten. Dat ass e Phänomen, dat een och, awer bei wäitem net nëmmen, hei am Land huet. D’soziologesch Fakultéit vun huelse.lu huet déi verschidde Supporter-Typen analyséiert a kategoriséiert, an ass elo frou Iech kënnen éischt Resultater vun eiser Etude ze publizéieren.

Mia san Thill

Mon, 18 Apr 2016 07:03:43 +0000

Engem Bericht aus dem Tageblatt no hätt den Vincent Thill sech fir e Wiessel bei den FC Bayern München entscheed.

Lues a lues soll de Lëtzebuerger un d’Profiekipp gefouert ginn an am Ufank an de Jugendekippen vum Championsleague Halleffinalist an Asatz kommen.

De 16 jäeregen lëtzebuerger Prodige steet vrun engem Wiessel zum däitsche Rekordmeeschter fir ganzer dräi Saison’en mä ab wéini ass d’Fro.

Äddi Louis

Sat, 16 Apr 2016 15:34:05 +0000

Mat 75 Joer verléisst ons de Louis Pilot.
De fréiere Profi vum Standard Léck, Nationalspiller an Trainer gouf 2003 zum beschten lëtzebuerger Fussballsspiller gewielt.

Iergerlech !

Sat, 26 Mar 2016 11:29:43 +0000

An engem Match mat zwou verschiddene Halschenten verléiert ons Nationalequippe mat 0:3 géint Bosnien/Herzigowina.

Fir de Match géint Miralem Pjanic a Co hatt den Luc Holtz op bewährtes gesatt an huet nëmmen mam Anthony “Tun” Moris am Goal e wéineg iwwerrascht. An sengem 4-4-2 huet hien also dem Moris am Goal d’Vertraue geschénkt, den Delgado, Malget, Chanot a Jans hunn d’Véiererkett an der Ofwier gebild, Mutsch, Gerson, Philipps a Martins amb Mëttelfeld an d’Koppel Bensi a Joachim hu sech op der Front vum lëtzebuerger System erëmmfonnt.

Jo Kiki, mir mengen et eescht

Thu, 24 Mar 2016 09:13:01 +0000

E vun de flottsten Amenter vum Fussballbegeeschterten Mënsch ass vrun engem Match vu senger Lieblingsekipp sech an d’Haut vum Trainer ze versetzen. Wann e sech vill mat senger Ekipp an dem Géigener beschäftëgt andeems en am Virfeld all Zeitungsartikel liesst, mengt en et géif en e Feeling dovu kreien wéi d’Opstellung ausgesi wäert.

Joachim wiesselt op Bréissel

Thu, 04 Feb 2016 09:55:24 +0000

E puer Stonnen no sengem Fortgang vu Burton Albion huet den Aurélien Joachim beim Royal White Star Bruxelles e Kontrakt vun 1,5 Joer ënnerschriwwen. Vun der drëtte englëscher Liga an déi zweet belsch, vun de “Brewers” an d’Land vum Béier.

2016 – en éischten Ausbléck

Mon, 04 Jan 2016 18:05:19 +0000

Fir d’alleréischt wënschen ech, am Numm vun der ganzer Ekipp vum Huelse, vun dëser Plaz aus all eise Lieser vill Gléck am neie Joer.

D’Qualifikatioun fir d’Europameeschterschaft a Frankräich ass eriwwer, an d’Lëtzebuerger A-Nationalekipp wiert deemno bis de Summer just Frëndschaftsmätcher spillen. Fir de 25.Mäerz 2016 steet mat Bosnien-Herzegovina schon en éischten attraktive Géigner fest. Och wann Dzeko, Pjanic a co. net op der Europameeschterschaft derbäi wierte sinn, ass dësst mat Sëcherheet e Géigner, dee vill Zuschauer op d’Arëler Strooss wiert lackelen.

Wéi geet et wéider, Dwayn ?

Fri, 18 Dec 2015 07:45:27 +0000

Nom Quotidien hunn den Vfr Aalen an den Dwayn Holter zesummen entscheed getrënnte Weeër ze goën.

An eng aner Dimensioun !

Fri, 13 Nov 2015 09:01:09 +0000

Um 19:30 fält zu Uewerkuer de Startschoss vun der Preparatioun fir WM-Quali 2020 a Russland. D’Quali, déi de 6 September 2016 mam Auswäertsmatch a Bulgarien ufänkt, gëtt lo scho mat de Frëndschaftsmatcher géint Griicheland an den Dënschden géint Portugal virbereed an hoffentlech déi éischt Etapp an eng néi Era.

Holtz gëtt dem Holter eng Chance

Wed, 04 Nov 2015 11:11:31 +0000

De Luc Holtz reecht dem Dwayn Holter d’Hand an erméiglecht dem Spiller vum VFR Aalen vläit e puer Spillminutten.

Manic Monday – our fun day?

Sun, 11 Oct 2015 09:10:24 +0000

Just 3 Deeg nom Match géint déi iwwermächteg Spuenier stinn eis Roud Léiwe virum leschten offizielle Match an dësem Joer an dëser Campagne.

Néierlag mat batterem Nogeschmach

Tue, 08 Sep 2015 20:43:09 +0000

Lëtzebuerg verléiert verdéngterweis mat 2-0 a Wäissrussland. Duerch zwee Goler vum Gordeychuk gewannen d’Wäissrussen dräi Punkten an laien lo mat 7 Punkten op der véierter Platz.

Dës Néierlag huet e batteren Nogeschmach hannerloos. A mir schwetze lo net vum Spaghetti-Fiasko.

Wat e Sch**ss !

Mon, 07 Sep 2015 08:44:12 +0000

Wéi d’Wort an d’Tageblatt op hieren Onlinesäiten melden bekloën sech 15 vun 20 Nationalspiller iwwer Mo-Darmproblemer an hunn d’Nuet um Hais’chen verbruet.

Sébastionell !

Sun, 06 Sep 2015 05:44:24 +0000

Mir brauchen ons net an d’Täsch ze léien, et war kee flotte Match. Bis zur 83′ hu sech béid Ekippen ausgeglach woubei Mazedonien nach déi beschte Chance hatt. Watt duerno geschitt ass konnt kee sech firstellen.

Mir wëllen net bleiwe wat mir sinn !

Tue, 01 Sep 2015 05:00:45 +0000

De Samsden 5 September spillen ons Léiwen um 18 Auer am Josy Barthel géint Mazedonien an dräi Deeg drop steet den Auswärtsmatch a Wäissrussland um Programm. No bal engem ganze Joer EM-Quali steet ons Nationalekipp mat engem Punkt op der lëschter Plaz vum Grupp C. Den 8 September 2014 hatte mir um éischte Spilldag Wäissrussland zu Besuch an trotz enger furiéiser éischter Halschent mat ville Golchancen hu mir et net färdeg bruecht déi dräi Punkten héiheem ze halen. Am Match drop, am Oktober a Mazedonien, huet et no 45 Minutten och ausgesinn wéi wann mir mat engem positive Resultat Heem fuere géiwen. Léider hatten déi meescht Zuschauer, um Ënn vum Match, an der “Nacionalna Arena Filip II Makedonski” duerch de Besart Abdurahimi e Grinsen op de Lëppsen. An der 92 Spillminutt hatt de genannte Spiller nämlech mat engem Sonndesschoss den 3-2 fir d’Heemekipp geschoss.

Iwweraschungen an Hoffnungen

Thu, 27 Aug 2015 12:14:21 +0000

Vrun engem Dag huet den Nationaltrainer de Kader fir déi zwee nächste Lännermatcher bekannt ginn. Nodeems de Joé Frising an den Anthony Moris, déi zwou Doubluren vum Jonathan Joubert, verletzungsbedéngt hu missen ofsoën gouwen zwee Keeper aus der Eierepromotioun nominéiert. Esouwuel den Andrea Amodio (Titus Péiteng) wéi de Valentin Roulez (FC Monnerech) spillen mat hiere Veräiner an der zweethéischster Klass am Lëtzebuerger Championnat.

Néie Club fir den David Caiado

Thu, 06 Aug 2015 06:06:28 +0000

No enger onglécklecher Aventure an der Ukraine bei Metalist Kharkow wiesselt den David Caiado an dei zweet spuenësch Divisioun.

Den SD Ponferradina, den héichstspillende Club aus der Regioun vun den Kastillen a León, huet mam Caiado en Virvertrag ënnerschriwwen. De Spiller deen e gewësse als Globe-Trotter bezeechne kann muss nach d’Freigab vu sengem leschte Veräin kreien. Momentan ass hien am Clinch mat sengem Patron well déi him nach e puer Payen ze bezuelen hunn.

Joachim bei Burton Albion ?

Mon, 27 Jul 2015 10:14:33 +0000

Wéi de Quotidien haut schréift wier Burton Albion drunn interesséiert dem Aurélien Joachim ënner Kontrakt ze huelen.
Onse Nationalspiller hat vru kuerzem en Test beim engleschen Drittliguist an huet säin Trainer an de Staff iwwerzeecht.
Trainer bei den Brewers ass keen anneren wéi den Jimmy Floyd Hasselbaink ! Den hollänschen ex-Stiermer a Starspiller vu Leeds United an Atlético Madrid. Fir e Stiermer sécher net de schlechsten Trainer.

De WM-Quali 2018 Programm steet

Sun, 26 Jul 2015 12:23:49 +0000

Gëscht d’Ausléisung, haut de Programm !

Russland, Russland

Sat, 25 Jul 2015 10:11:07 +0000

Wéiéng Fans wiere mir wa mir net vum grousse Coup dreeme géiwen ?

Natierléch wëlle och mir mol ons Ekipp op engem Turnéier uféieren. Biller vu Public Viewings zu Esch, Iechternach an der Stadt geeschteren duerch ons Daagdreemereien, Autocosrs’en duerch all ach esou kléng Avenue a Strooss, friem Mënschen déi sëch an der Arm huelen an zesummen laachen a kräischen. Ach…

Philipps, le Preuss

Fri, 10 Jul 2015 17:58:59 +0000

Wéi mir schonn op onser Facebooksäit annonceiert hunn, wiesselt de Chris Philipps bei den SC Preussen Münster.

Foto: Preussen Münster Homepage

Aalen, Aalen !

Tue, 30 Jun 2015 05:37:54 +0000

Den Dwayn Holter dréit nächst Joer d’Fuerwen vum VfR Aalen. Greuther Fürth huet onse Nationalspiller fir eng Saison un déi Schwaarz-Wäiss ausgeléint. De néie Veräin vum Holter spillt nächst Saison an der drëtter Liga an Däitschland nodeems se lescht Joër ofgestiege sinn.

Lions grenats ?

Thu, 25 Jun 2015 09:39:50 +0000

Wéi een haut am Quotidien liese kann, géif den FC Metz iwwerleeën den Aurélien Joachim ën er Kontrakt ze huelen.

Retour à la case départ ?

Wed, 17 Jun 2015 11:22:52 +0000

China a Kazachstan, datt waren déi Destinatiounen déi an de Rumeuren ëm déi nächst Etapp am Aurélien Joachim senger Carrière zirkuléiert sinn. Wéi et ausgesäit kéinnt fir de lëtzebuerger Topstiermer och e Retour an d’Heemecht a Fro kommen.

Lëtzebuerg – Moldawien, Nullnummer Nummer 3

Wed, 10 Jun 2015 06:05:30 +0000

An engem Verglach géint eng Equipe op eisem Niveau huet d’FLF-Selektioun sech laang schwéier gedo. Schon no 14′ huet de Joubert misse mat enger Glanzparad eng Kappball-Chance klären, mä duerno gouf et esou wuel vun de Roude Léiwen nach vun hiere Gäscht moere Kascht ze gesinn, e Match dee keen all ze héige Rythmus dran hat, woubäi d’Lëtzebuerger awer méi um Ball waren an e bësse manner technësch Onzoulänglechkeete gewisen hunn, wéi Moldawien.

Grousse Pech fir de Moris

Mon, 27 Apr 2015 16:48:21 +0000

Beim Auswaertsmatch vum FC Malines zu Genk huet den Anthony Moris sëch no nemmen 7 Minuten eng Verletzung um Knéi zougezunn.

De Laurent Jans gëtt Profi !

Mon, 20 Apr 2015 15:24:32 +0000

Gleeft een de Wort-informatiounen waert de Laurent Jans näechst Saison d’Fuerwen vum belschen Profiveräin an Éischtliguist Waasland-Beveren droën.

Wat wëlls de soe Maxime ?

Fri, 03 Apr 2015 15:38:16 +0000

Net wéinëg Léit waren iwwert dem Maxime Chanot sengen Aussoën an der Pressekonferenz vrum Frënndschaftslännermatch géint Tiirkei iwwerrascht. An der,ronn 50 Minutëger, Konferenz huet de Profi vu Courtrai sëch iwwert d’Qualitéit vun der Berichtserstattung vun der lëtzebuerger Sportspress ausgeloss. Wann een him gleewen sollt da géif et e Malaise zwëschen de Nationalspiller an de Presseléit ginn. Esou schlëmm datt sëch deen Dag keen aneren wollt mam Luc Holtz op den Dësch sëtzen fir sëch de Froën vun de Medien ze stellen. Hien an eng Réih aner Spiller kéinnten net verstoën datt d’Sportsjournalisten ëmmer negativ iwwert d’Leeschtung vun onse Roude Léiwen berichten. Déi schréiwend Zonft géif ënner anerem e schlecht Bild vun der Nationalekipp wéiderginn an ët wier an de leschten zwee Joër net e positive Bericht iwwert se ze liese ginn.

Fans als Beispill

Mon, 30 Mar 2015 21:20:49 +0000

E kléngen Appel vun Huelse!

Eng 3-0 Défaite an der Slowakei ass bestëmmt kéng Schann, iwwert d’Art a Weis kann een awer diskutéieren a Spiller, Trainer, Medien a mir,d’Supporter, sinn ons do all eenz datt de Match zu Zilina keng Referenz fir alles watt Engagement a Wëllen betrëfft war. Do si mir vun onse Léiwen an der rezenter Vergangenheet méi verwinnt ginn.

An dofir fuert dir esou wäit ?

Sun, 29 Mar 2015 11:24:31 +0000

Als Supporter hëllt een oft dausende vu Kilometer an Onmengen vun Abenteur op sëch fir séng Ekipp z’ënnerstetzen an fir ze hoffen datt um Ënn och eng Victoire erausspréngt.
Bei enger lëtzebuerger Lännermatch Auswaertsrees ass d’Chance op e positivt Resultat natierlëch méi geréng wéi wann e, beispillwéis, dem FC Bayern oder de Spuenier d’Daumen dréckt. Mä grad datt mécht de Charme vun esou enger Rees aus.

Systemfehler

Sat, 28 Mar 2015 23:26:29 +0000

De Fréiden krutt ons Nationalekipp wéi schonn lang nët méi hier Grënzen opgewissen. Bei der 3-0 Défaite an der Slowakei waren ons Léiwen ouni den Hauch vun enger Chance.

Kader-Iwwerraschung

Wed, 18 Mar 2015 18:22:58 +0000

Haut gouf de Kader fir d’Lännermatcher an der Slowakei ( 27.3 zu Zilina) an géint Tiirkei (31.3 am Josy) bekannt ginn.
De Luc Holtz huet mam 17jaerege Florian Bohnert ( A-Junior vum FC Saarbrécken) och eng Iwwerraschung parat.
De fréiere Beggener a Racing Spiller hatt am Stage an der Tiirkei e gudden Androck hannerlooss a gozf dofir fir déi näechst zwee Matcher nominéiert. Agesaat kann datt jonk Talent iwwerall am offensive Mëttelfeld.

Martins out fir déi nächst Matcher

Mon, 16 Mar 2015 06:41:50 +0000

Schlecht Norichten aus Lyon ! De Chris Martins huet sëch am Training verletzt an daerf lo 6 Woche kee Fussball spillen. Hien huet sech eng Verstauchung vum lénke Fouss zougezunn a verpasst domadder de Lännermatch an der Slowakei (24.3) an de Frënndschaftsmatch am Josy géint Tiirkei (31.3).

E „Non-Event“ op der Kockelscheier

Thu, 05 Mar 2015 10:45:25 +0000

Eng Partie Wochen a Méint huet een näischt méi zum Thema „Neie Stadion“ héieren a gelies. A fir et elo mam Me. Gaston Vogel ze halen, berichte mer op dëser Plaz da vun engem „Non-Event“, deen dëser Deeg op der Kockelscheier stattfënnt.

huelse.lu an der Blogosphäre

Mon, 02 Mar 2015 13:35:52 +0000

Wéi virun e puer Wochen e Mail vum Marc Thill vum “Luxemburger Wort” an “eis Redaktioun” erakomm ass, hu mer eis fir d’éischt emol virtuell d’Ae geriwwen an eis gefrot, ob dat elo Eescht wier oder net: huelse.lu war, zesumme mat enger Partie anere Lëtzebuerg Blogs, ausgewielt ginn, fir op wort.lu Deel vun der sougenannter “Blogosphäre” ze ginn.

Sch**ss drop, Logroño ass nëmmen e mol am Liewen

Sat, 28 Feb 2015 15:48:16 +0000

Säitdem Lëtzebuerg Spuenien an der Auslousung vun der Qualifikatioun fir d’EM 2016 zougeloust krutt, war ët eng vun den spannensde Froën ënnert de Supporter vun onse Roude Léiwen, “Wou méngs du wou mir a Spuenien spillen ?”.

Viva la Revolucion oder Same Procedure as Every Year?

Wed, 25 Feb 2015 19:38:31 +0000

Den 29.Mee 2015 gëtt emol rem e Präsident fir d’Fifa gewielt. 4 Kandidate stinn zur Debatt. Et sinn dësst den amtéierende Präsident Sepp Blatter an e vu senge sëlleche Vizepräsidenten, de jordanësche Prënz Ali bin al Hussein.

Gusty Kemp, den éischte Profi

Tue, 24 Feb 2015 06:00:29 +0000

Gusty Kemp- image fc Metz

Haut vrun 98 Joer gouf e vun de wuel talentéiertste Stiermer vu Lëtzebuerg gebuer. De Gusty Kemp koum den 24 Februar 1917 zu Déifferdeng op d’Welt an huet seng éischt Bäll och an der “Cité du Fer” gestouss. Dem “Super Canonnier” séng Fäegkeeten blouwen nët lang e lëtzebuerger Geheimnis an den FC Metz huet aus him den éischte Lëtzebuerger Foussballsprofi gemeet. An 87 Matcher huet hien, sensationell, 63 Goler fir d’Grenats geschoss ! Trotz senge klénge Féiss ( et gëtt gesott hien hätt “35” am Schung gehatt) war hien dofir bekannt e gewaltëge Schoss ze hunn an och aus gréisserer Entfernung de Gol ze treffen.

Wiessel op Malines

Tue, 23 Dec 2014 15:19:14 +0000

Den Anthony Moris ënnerschréift e Kontrakt mam FC Malines. De Lëtzebuerger Portier Nummer 2 war säit dem Summer ouni Veräin. Nieft Malines waren och Gdansk an Atalanta Bergamo un onse Portier interesséiert

Holtz verlängert bis 2017

Tue, 09 Dec 2014 17:29:30 +0000

De Luc Holtz verlängert bei der Federatioun bis Enn 2017. Säin aale Kontrakt ass bis 2015 gelaf.

Trotz ufänglëchen Retizenzen a Bedenken vu Fan-Säiten aus huet den Holtz et gepackt sech, duerch säin “Offensivdrang”, och bei hinnen duerchzesetzen an huet ferm u Popularitéit gewonnen.

3-8 Néierlag géint d’ukrainësch Supporter

Fri, 28 Nov 2014 17:20:56 +0000

Esou lang huet e sécherlëch nach ni gewart fir e Spillbericht ze liesen. Wenn dorunner Schold ass do däerfen sëch d’Lieser eng eegen Meenung bilden, déi eng soën et ass déi vum Autor vun dësen Zeilen wëll hien e Kabel verluer huet ouni deen hien kéng Foto’en op säi PC eroplueden konnt, den Autor gëtt dem Trainer Dubois d’Schold well deen bis haut verschwonnen war.

Yarmolenko gett Lektiounen

Sun, 16 Nov 2014 08:29:52 +0000

Mir waren virum Match géint d’Ukraine virsichtlëch optimistësch a waren schlussëndlëch iwwerrascht wéi wéinëg ons, spillerësch, vum Weltranglëschte 19ten trënnt. E weltklasse Spiller, deen gëschter dräi Goaler ausgemeet huet.

Bastos vru Wiessel an d’Belsch

Tue, 04 Nov 2014 14:49:32 +0000

De Yannick Bastos steet verschiddene Medien no vrun engem Wiessel op Waasland-Beveren.
De belschen éischt Liguist, deen momentan géint den Ofstieg spillt, test den 14 November onse Nationalspiller an engem Frënndschaftsmatch. De Géigener steet nach net fest.

1000mol “geholl”

Tue, 28 Oct 2014 17:08:39 +0000

Eigentlech huet alles ugefaang Moies beim Kaffi am Days Hotel zu Belfast, den Dag nom 1-1. D’Nationalekipp weist e kloeren Opschwong, den M-Block Forum ass säit Méint, wann net Joren verweist, d’Facebook ass eben d’Facebook an irgendwéi ware mer der Meenung dass een eng nei Plattform bréicht fir iwwer de Lëtzebuerger Fussball ze berichten an ze diskutéieren.

D’Liewen an der Waardeschlaang

Fri, 24 Oct 2014 07:22:05 +0000

huelse.lu am Gespréich mam Chris Philipps

Den 20 joer jonke Profi vum FC Metz an Nationalspiller vu Lëtzebuerg huet sech nom Match géint de Stade Rennais FC Zäit geholl fir mat ärem Fanblog ze schwätzen.

Lëtzebuerg – Ukraine, wéi wier et mat Ticketen?

Tue, 14 Oct 2014 07:39:29 +0000

Nom Spuenien-Match ass virum Ukraine-Match. An duerch d’Kombiticketen – d’Iddi war prinzipiell net schlecht – misst de Match an engem Mount géint d’Ukraine deemno och ausverkaf sinn. Ob elo Leit vun Oochen a vu soss méi wäit ewech, déi dëse Sonndeg e.a. Tickete fir den M-Block haten, extra fir dee Match nach eng Kéier op Lëtzebuerg kommen, ass awer ze bezweifelen.

Architektebüro vum neie Stadion ass bekannt

Fri, 26 Sep 2014 13:39:02 +0000

Wéi verschidde Lëtzebuerger Medien mellen, ass elo bekannt, wéi eng Firma den Zouschlag fir de Plang vum neien Nationalstadion op der Kockelscheier krut. Gewonn huet déi däitsch Firma Gerkan, Marg & Partner (GMP). A ronn 6 Méint soll dann e Masterplang virleien.

Réckbléck op den Oktober 2004 – Ausbléck op den Oktober 2014

Wed, 24 Sep 2014 09:22:03 +0000

Hiescht 2004. D’4-0 Défaite Ugangs September zu Tallinn ass amfong vergiess, säit mer, just puer Deeg méi spéit, op der Areler Strooss e fantastesche Mätch ofgeliwwert hunn. An engem Mätch, dee kee Verléierer verdéngt hat, hu mer eis fin de compte missen mat 3-4 géint Lettland geschloen ginn. E flotten Fussballsowend, grousse Kampf vun de roude Léiwen, onglécklech verluer, sou eppes ka geschéien.

De Roud Léiw hat se bal!

Tue, 09 Sep 2014 13:57:09 +0000

Mir schreiwen den 8.September 2014, quasi genau ee Joer nom Exploit géint Nordirland, 6 Joer nom Exploit an der Schwäiz a 70 Joer minus 1-2 Deeg no der Befreiung vu Lëtzebuerg duerch d’alliéiert Truppen.

Siwe Liewen wéi eng Kaatz ?

Tue, 09 Sep 2014 07:42:38 +0000

De Volléksmond schwetzt jo gäeren vun der Kaatz mat de siwe Liewen a muncher ënnersträichen dëst och mat Geschichten déi dëse Mythos beféieren. Ëch erënnere mëch oft un eng Geschicht déi ech erzielt krutt, ët soll mol eng Patrouille Polizisten wéinst enger tollwütëger Kaatz geruff gi sinn. Wou se Déier an engem Schapp fonnt hunn hätten se probéiert de Kueder ze fänken. Dëse war awer anschéinend esou agressiv datt d’Polizisten décidéiert hunn d’Déier ze erschéissen. Dir kennt iech bestëmmt firstellen wéivill Kugelen se gebraucht hunn bis de Kueder erleedegt war, genee siwen.

BELVAL, BELFAST, BAKU, BRASILIEN – DEEL 2: DE CK ZU RIO DE JANEIRO

Thu, 24 Jul 2014 15:50:50 +0000

Luiz: „CK, nodeems de all Qualifikatiounsmätcher gesinn hues ass et der, mat Ennerstëtzung vun der FLF, och méiglech gewiecht en Ticket fir d’Finall vun der Weltmeeschterschaft 2014 zu Rio de Janeiro ze kréien. Elo bass de säit e puer Deeg vu Rio erem.

ROAD TO FRANCE – firwat net?

Fri, 11 Jul 2014 12:14:27 +0000

D’WM steet kuerz virun hirem Ofschloss, d’Lëtzebuerger Veräiner hunn an Europa leider ze fréi missen Äddi soen – trotz deels gudde Leeschtungen – déi verbleiwend Veräiner si schonn erëm an der Preparatioun fir d’nei Saison an de Programm vun eise Roude Léiwen fir déi nächst 2 Joer steet och scho méi oder wéineger.

RTL geschwënn “muy caliente”

Fri, 20 Jun 2014 00:00:00 +0000

E sensationnellen Tosch an der Medienwelt steet wahrschéinlëch un. Wéi “Los Diarios Mexicanos” haut vermellt wiesselt de Camille Ney no der WM bei de mexikanëschen Fernsehsender “Televisa Deportes” an am Géigenzuch kennt d’Vanessa Huppenkothen op de Kierchbierg.

Tëschebilan vun der Pétitioun: Erbärmlech!

Thu, 19 Jun 2014 08:20:16 +0000

Den Tëschebilan no 3 vu 6 Wochen a Punkto Online-Pétitioun fir den neie Stadion.

Fir individuell ugeschriwwen wäit iwwer 1000 Leit, déi all en direkten oder indirekte Bezuch zum Lëtzebuerger Fussball hunn, hunn der bis dat just 146 fir den neie Stadion ënnerschriwwen um Site vun der Chamber. Eng Pétitioun géint den neie Stadion huet an e puer Deeg ëmmerhinn schon iwwer 100 Stëmmen zesummen, och wa se deels mat enger falscher Argumentatioun schafft a wéinst der falscher Orthographie a Rechtschreiwung och nach onprofessionnell eriwwerkënnt.

A European Roadtrip

Wed, 11 Jun 2014 10:15:13 +0000

Net wéi ursprénglech geplangt mat de Kollegen am Minibus, mä direkt Dënschdes no der Aarbecht mam eegenen Auto ass et Richtung Luzern gaangen, wou den 1.Tëschestopp um Trip Richtung Perugia geplangt war. Hätt ee sech virdrun anstänneg informéiert, hätt een och gewousst datt deen Owend d’Schwäiz zu Luzern géint Peru getest haaten – esou hu mer en neie Groundpunkt elegant verpasst…

Troublemakers an Italien

Wed, 04 Jun 2014 00:00:00 +0000

Den Owend spillt ons Nationalekipp géint den Weltmeeschteraspirant Italien zu Perugia. Firwat déi italienësch Fussballfederatioun ons Jongen erausgesicht huet ass kloër. Wéi géint d’Belsch erwarden se e Sparringspartner deen sëch géint eng Néierlag wiert mä deen schlussëndlëch dach verléieren soll. Balotelli a Co sollen sëch halt fir d’Weltmeeschterschaft warm schéissen an Selbstbewosstsein tanken. Obwuel de Mario Balotelli dës sécher net brauch.

Géint e Match Lëtzebuerg-Spuenien op der Arler Strooss

Fri, 30 May 2014 21:45:27 +0000

D’Lëtzebuerger Nationalekipp däerf dann elo awer hieren Heemmatch géint Spuenien an der Heemecht spillen. No enger zweeter Demande säitens der FLF un d’UEFA gëtt de Ball den 12 Oktober 2014 awer duerch de Josy Barthel gejoht. D’Konditioun ass datt déi néidëg Verbesserungen am Stadion gemaach ginn. Watt dozou féiert datt ronn 2000 Plazen eweg falen géifen an de Match vrun maximal 6000 Léit gespillt ka ginn.

En Davis Cup ouni Raketten… oder „e puer Gedanken zur Nations League“

Sat, 05 Apr 2014 20:52:42 +0000

Enn Mäerz huet d’UEFA bekannt ginn, ab 2018/2019 eng Nations League auszedroen. Am Virfeld vun dëser Ofstëmmung war wéineg iwwert dësen Tournoi a säi Modus ze liesen, mee dat huet sech direkt nodeems ëffentlech gouf dass dësst Turnéier an Zukunft soll gespillt ginn séier geännert.

Ët geet nees las !

Tue, 04 Mar 2014 00:00:00 +0000

Dëse Mëttwoch fänkt déi néi Saison vun onser Nationalequip mam Frënndschaftsmatch géint Kap Verden un. Déi drëtt Konfrontatioun mat den Inselen ass den éischte Match am néien Futtballsjoer an zielt schonn zu den Virbereedungsmatcher fir ons EM-Quali. Zwee Mol hu mir bis elo géint de Cabo Verde gespillt, zwee Mol hu mir ons mat engem Gläichspill getrennt. ( 2002 : 0-0, 2008: 1-1).
D’Kap Verden hunn säit 2008 awer e sportléchen Sprong no vir gemeet. D’Blo Haien hunn 2013 et ferdeg bruet sech fir d’CAN ze qualifizéieren an sëch dann do bis an 1/4 Final gespillt. An der FIFA-Weltranglëscht ginn d’Männer vum Lucio Antunes op der 27ter Plaz gefuert. Also 93 Plazen virun onser Nationalequip.

E Bléck op d’Auslousung

Wed, 26 Feb 2014 10:11:57 +0000

_„Elo setze __Millioune Letz__ebuerger virum Ferns__eh, Mammen kachen réischt fir 1 Auer an d’Schüler sin extra well um halwer 12 aus dem Bett opgestan: et as Gruppenauslosung live op Eurosport!“ _huet de Benem e Sonndeg de Moien um Facebook gemengt.

De Site vum neie Stadion

Fri, 21 Feb 2014 08:59:00 +0000

Ech wëll dann hei e klengen Iwwerbléck ginn iwwer de Site, wou den neie Stadion soll hikommen, nämlech tëscht de Stater Contournement (A1/A6) an den CR186 dee vu Gaasperech iwwer d’Kockelscheier op Beetebuerg féiert.

D’Resultater vun der EM Quali Auslousung ELO !

Fri, 21 Feb 2014 00:00:00 +0000

Haalt iech un, är Equip vun Huelse huet dat Onméiglëcht Méiglëch gemeet an kann iech haut den Owend, also zwee Deeg vrun der offizieller Auslousung, d’Gruppeverdeelung mat deelen. En aalen Indianersproch huet ons et erméiglecht, mat enger Wahrscheinlechkeet vun 99,99%, eng Auslousung duerchzeféieren déi d’Resultater vun der Zukunft schonn Haut erfirbréngen kann. Op enger geheimer Plaz am Osten vum Land huet en Matarbeschter vun Huelse.lu, déi geféierlech Aktioun duerchgefouert. Huelse.lu huet dobäi kéng Méih a kéng Käschte gescheit an huet e quasi identëschen Kader zu der zukünfteger Zéihung zu Paräis gezaubert. Esoubal d’Kanner vum Schréiwer vun dësen Zeilen am Bett loungen, ass dëssen datt alt Buch op de Spéicher sichen gangen an huet beim Opstellen vun den Dëppen déi ominéisen Wierder geschwaat déi ons an Zukunft propulséieren. Nach schnell eng lusitanësch Fläsch Béier vun 25 cl opgemeet ( am Supermarché mat der Wüsteplanz a Promotioun) an déi éischt Schlupp erofgeschléckt, den Ament genoss wou op eng Kéier déi flott Souveniren vun der Auswäertsrees vu Coimbra eropgeschoss koumen an et goung las :

Wanterspaass : Ons Meedecher kennen et besser

Wed, 22 Jan 2014 15:15:47 +0000

Säit gewesser Zäit brennt de Spaweck wéinst engem Vidéo an deem en argentinëscht Model hiert futtballistëscht Kennen weisst.

Video : [video][1]

E kuerze Bléck an d’Zukunft

Fri, 17 Jan 2014 00:00:00 +0000

Eng Wanterpaus bekennt mir net ëmmer gutt. Eng Noricht wéi de wahrschéinlechen Transfert vum Bastos ( FCD03) bei d’Bolton Wanderes ( ENG) ka schonn zu komëschen neuronalen Verknüpfungen féieren. Et ass nach näischt an drechenen Diicher ( Stand 17.01.2014 13:23) mä trotzdem huet d’Euphorie mech gepackt. Eng Rees an de Greater Manchester gett schonn am Hannerkapp geplangt, ech gesi mech schonn am Summer mat mengem, iwwer Internet gekafdem, Bastos Trikot op iergendwelcher Vakanzendestinatioun fir eng Foto poséieren an natierlech plangen ech de Bastos schonn a menger Equip op FIFA 14 an ( wee brauch schonn een Ronaldo ?). Awer a meeschten schéissen meng Endorphinen an d’Luut wann ech un d’Zukunft vun der Nationalequip denken. En 20 jäeregen kann an engem Profiveräin nach vill bäiléieren an wann een bedenkt wéi den Yannick Bastos am Europapokal opgetrueden war dann brauch een sech nët ëm seng Zukunft ze suergen. Nieft dem Badtos ( wann, jo wann den Transfert klappt) réihen sech an der Nationalequip op e beemol méi Profispiller wéi jeemols erhofft. Momentan hu mir mat Joachim, Gerson, Mutsch, Philipps, Deville a Chanot also 6 Profispiller. Dobäi gesellt sech héischstwahrschéinlech nach de Moris, 7. an de Bastos, 8. Mä mir sinn nach net ferdeg. Scho säit Joeren waard den David Caiado ( e vun onse Liiblingsthemen ) dorobber de lëtzebuerger Pass ze kreien, säit Joeren héiert een ëmmer nees ” et ass nemmen eng Fro vun der Zäit”. Hoffe mir mol datt et lo gläich ass. Komm mir sinn optimistësch, 9. En aneren Spiller aus der Sporting Lisboa Schoul huet vru gerenger Zäit gesott hien kéinnt sech firstellen fir säi Gebuertsland, also Lëtzebuerg, opzelafen mä hien léisst sëch nach Zäit. Hien erhofft sech nach ëmmer den Trikot vun der “Selecao” iwwerzestreiffen. Eng Participatioun un enger WM oder EM schéinnt méi realistësch mat Portugal. Wann de Mica dës Zeilen liesst, nummer 10. Den Emir Bijelic, grousst Talent beim FC Metz ass Lëtzebuerger, mat 15 Joer ass et vläit ze frei fir ze soen op hien mat 17 scho Profi ass. Mä vu datt ech haut euphorësch sinn Profi Nummer 11. Mam selweschten Elan huelen mer den Luca Ivesic mat op d’Rees. De Goalkeeper deen dëst Joer 19 Joer féiert spillt bei der U19 vum Jahn Regensburg. Och hei sinn d’Schinne gestallt 12 De Chris Martins kann nach ëmmer fir Lëtzebuerg oplafen ( Stand haut). Och nom turbulenten Ufank mat de Roude Leiwen A ass déi Dier nach lang net zou. 13 Säit e puer Joeren hunn den Dwayne Holter ( Greuther Fürth) an den Magnus Clemmensen ( Bayer 04 Leverkusen) de Wee vun der däitscher Ausbildung gesicht an probéieren de Schratt an de Profifussball ze packen. An 2 Joer ass et esou wäit 14 a 15.

Belval, Belfast, Baku, Brasilien(?)

Wed, 04 Dec 2013 15:02:18 +0000

Luiz: CK, fir d’éischt emol all Respekt dass et dir gelong ass an der leschter Qualifikatioun kee Mätch vun de Roude Léiwen ze verpassen. An ech schwätzen elo hei wuelgemierkt net just vun den Heemmätcher, mee och vun deene 5 Auswäertsmätcher zu Belfast, Kasan, Baku, Tel Aviv a Coimbra!

De 5 März géint de Cap Vert

Sun, 01 Dec 2013 09:00:33 +0000

Am éischten Lännermatch vum Joer 2014 treffen ons Léiwen op de Cabo Verde.
De 5 März spillen déi zwou Selektiounen hieren drëtte Lännermatch géinteneen. An deenen zwou Partien virdrunn hu se sëch mat mat Gläichspiller getrennt.
Wou an um wéivill Auer ugepaff gett ass nach net gewosst.

(On-) Sécherheet um Stade Josy Barthel

Sat, 12 Oct 2013 09:13:47 +0000

Spéitstens nom Freidegowend, nom Lännermatch Lëtzebuerg – Russland, muss sech allgemeng d’Fro iwwer d’Sécherheet am Stade Josy Barthel gestallt ginn.

Eng Kiischt um Schmant ?

Sun, 06 Oct 2013 07:06:51 +0000

Nach zwee Mätcher bleiwwen onse Léiwen bis dës Compagne eriwwer ass. Den 11ten Oktober spillen mir doheem géint Russland an véier Deeg drop spillen mir auswäerts a Portugal. Allebéid sinn se am Rënnen fir déi éischt Plaz an onsem Group an wa mir éierlëch sinn och zwou Equipen géint déi et quasi onméiglëch ass e positivt Resultat eraus ze huelen. Dofir wollte mir elo héi schonn e kléngen Bilan zéihen.
Mat bis elo sechs Punkten ass onst Zill schonn gut ereescht an mir kéinnten ons elo all op d’Schëller klappen an de Butték zoumaachen. Mä iergendwéi huet d’Ëntwecklung vun de lëschten Méint ons richtëg hongrëg gemeet an mir wäeren nët iwwerrascht wann ons Nationalequipe ons nach eng richtëg Iwwerraschung bereet hällt. Als Ofschloss vun de WM-Compagne engem Favorit d’Been stëllen ? Mir wëllen ! Ët wier d’Kiischt um Schmant vun éiser 6 Bulle Glace.

Den Joker agewiesselt

Thu, 26 Sep 2013 13:15:51 +0000

Déi schéinste Fussballszenarien schreiwen déi Geschichten wou den Trainer an de Schlussminutten de Spiller erawiesselt deen d’Partie kippt. De Präsident vun der FLF war e Fussballstrainer an huet a senger Carriere wuel déi eng oder aner esou ähnlëch Entscheedung getraff.
Elo ass hien Verbandspräsident mä trotzdem huet d’”Awiesselung” vum Michel Platini an der Affaire “néie Stadion” esou munch Ähnlëchkeeten mat esou engem fussballerëschem Happy End. Als e vun den beschten Mëttelfeldspiller vun der Geschicht huet de Platini gëschter d’Bäll verdeelt an et ass un anerer se an de Goal eranzeschéissen.

Den Aurélien an der „grénger Hell“

Sun, 22 Sep 2013 09:19:56 +0000

21.September 2013, 7.Spilldag vun der Eredivisie, den RKC Waalwijk spillt auswäerts zu Groningen. Säit den Oosterparkstadion virun e puer Joer ofgerappt gouf spillt den FCG seng Heemmätcher an der Euroborg, am Volleksmond och „de groene hel“ genannt. Ob dësst sech op d’Stëmmung am Stadion oder op d’Groninger Wieder bezitt hunn ech awer nach net erausfonnt. Virun 18000 Zuschauer gouf de Mätch um véirel fir 8 ugepaff.

“ALLez ROUD”- e Fazit

Thu, 12 Sep 2013 18:21:47 +0000

Vrun e puer Wochen huet HUELSE zu der “ALLez ROUD!” Initiative opgeruff. Ziel vun der Aktioun war esou vill Léit wéi méiglech sëch a rouder Kleedung zum Lännermatch géint Nord Irland op de d’Arler Stross ze mobiliséieren. An dozou goufen och nach e Fanmatch organiséiert an et gouf zum Fouerapéro an engem Fan-Marche opgeruff.

Haut viru 5 Joer am Letzigrund…

Tue, 10 Sep 2013 09:53:20 +0000

Mat 2 Bussen goung et den 10.September 2008 op Zürech. Schoulvakanz an en Auswäertsmätch knapp 500 Kilometer eweg, natierlech zitt dat eng Rei Leit un, soudass mer am Block D31 schlussendlech zu ronn 250 Lëtzebuerger stoe sollten. Besuch krute mer am Stadion och nach vun eise Liechtensteiner Kollegen aus dem Ländleblock – an ofgesinn vun de gutt 20000 Schwäizer am Stadion huet ganz secher keen et bereit, do derbäi gewiecht ze sinn.

Kader fir Fanmatch Lëtzebuerg-Nordirland

Sun, 08 Sep 2013 09:47:55 +0000

Op engem Sonnde Moien ( what the f**k?!) gett de Ludovic Bois säi 15 Mann Kader fir de Fanmatch vun en Dënschden bekannt. Villes léisst doraus schléissen datt den Trainer elo grad aus dem “Café des Sports” erausgetrollt ass.

Néierlagslektiounen

Sat, 07 Sep 2013 08:21:46 +0000

Als Supporter vun der Nationalequipe ass een et jo gewinnt ze verléieren. An denen 20 Joer wou ech lo d’Mätcher vun der FLF suivéieren hunn ech der batterer Momenter vill erlieft. Déi elo hei op ze leschten géif d’Ruhm spréngen an esou vill Zäit huet wahrschéinlech och keen pensionnéierten Staatsfonctionnaire.
Watt déi Néierlagen an der Vergangenheet gemeng hatten, waren dat Gefill vun der Onmuecht. Seelen konnt en, objektiv betruecht, onsen Nationalspiller iergendeen Virworf machen. Wann en déi erfolleglos Mätcher géint de Liechtenstein a Malta mol op der Säit léisst. Ons Néierlagen waren ëmmer d’Resultat vun engem ze groussen Qualitéitsennerscheed zweschen ons an den aneren Natiounen. Séif dat op spillerëschem oder mentalem Niveau. Ons Géigener waren ons oft haushéij iwwerleeën an, datt mir als Verléierer aus deenen Konfrontatiounen erauskomm sinn, nëmmen logësch.
Lues a lues huet sech ons Equipe awer gebessert. Säit der Era-Hellers huet sech ons Selektioun professionaliséiert, huet grouss Fortschrëtter am Spillopbau, der Ballcirculatioun an der taktëscher Ausrichtung gemeet. Den Luc Holtz ass an déi selwescht Richtung wéidergezunn an huet niewenbei nach vum Erunwuesen vu Spiller wéi Philipps, Turpel, Jans an Bensi, der Professionaliséierung vum Joachim an och der Naturalisatioun vun engem Chanot profitéiert. Dat verbessert Spillermaterial féiert haut dozou datt mir géint Russland mat 2 Stiermer ( Turpel, Joachim) an engem 4-4-2 oplafen kennen. Dozou gesellen sëch am offensiven Mëttelfeld zwee Spiller ( Bensi, Da Mota) déi an hieren Veräin esouguer als Sturmspëtzt agéieren. Ween hätt esou ëppes nach vrun e puer Méint fir méiglech gehalen ?

De Ludovic Bois am Interview

Fri, 06 Sep 2013 13:27:42 +0000

Den 10.09.2013 spillt net nemmen ons Nationalequipe géint Nord Irland mä och hier Supporter treffen sech um 14h um Terrain vum US Hostert fir e Futtballsmatch. Den Ludovic Bois, Trainer vun den Lëtzebuerger Supporter, huet sech e bessen Zäit geholl fir huelse.lu.

De ganzen Dag nom Motto “ALLez ROUD”

Sat, 31 Aug 2013 06:04:45 +0000

Den 10 September 2013, Dag vum Retour Lännermatch vun onse Léiwen géint Nord Irland, ginn et fir d’Supporter vun der Nationalequipe am ganzen dräi rendez-vous’en.

ALLez ROUD!

Fri, 23 Aug 2013 13:32:39 +0000

Séif een Déel vum ganzen !

Natierlech ginn et méi sexy Equipen wéi Lëtzebuerg. Déi meescht gewannen vill méi oft wéi ons Roud Leiwen mä “Mir sinn ebe Lëtzebuerg”. Och op eng Equip déi méi oft verléiert wéi gewënnt dierf een houfrëg sinn.

Verdéngt !

Wed, 14 Aug 2013 20:47:32 +0000

D’Lëtzebuerger Nationalequipe gewënnt verdéngt 2-1 géint Litauen. Vrun enger moerer Coulisse (958 Zuschauer) hunn Joachim a Bensi, no engem onnéidegen Géigegoal an der éischter Halschent, an den zweeten 45 Minuten d’Spill gedréint.
D’Roud Leiwen wossten am gesamte Match ze gefallen an hunn och nom 0-1 hier Rouh behal an hiert d’Spill opgezunn. Dei omnipresent Offensifspiller hunn ëmmer nees fir Gefohr vrum litaueschen Goal gesuergt an d’Defensif Abteilung huet näischt ubrennen geloos. Als den nordireschen Abitter déi zwou Equipen an d’Paus gescheckt huet waren d’Gäscht zwar 1-0 vir mä d’Lëtzebuerger hatten do schonn insgesamt 7 gutt Goalchancen, d’Litauer nëmmen zwou.
Nom Pausentéi hunn d’Leiwen wéider no vir gespillt a sinn och schnell mam 1-1 belount ginn. De Joachim huet seng ganz Klass bewissen an de Ball lässeg lanscht de Goalkeeper eragesaat. An der 80′ huet dunn den Bensi den 2-1 marquéiert.

21 Spiller fir de Match géint Litauen

Fri, 09 Aug 2013 09:51:58 +0000

De Luc Holtz berifft 21 Spiller fir de Frënndschaftsmatch géint Litauen. Déi europäesch Aventure vun Déifferdéng huet och op des Nominatioun en Impakt. Nët manner wéi 5 Akteuren goufen beruff. Ënner anerem gouf den, 23 jäeregen Mettelfeldspiller a fréieren U21 Kapitän, Andy May beruff.

Au(h!)gust ?

Mon, 05 Aug 2013 16:58:44 +0000

Nächste Mëttwoch spillt ons Nationalequip e Frënndschaftsmatch géint Litauen. Et ass scho bal eng Tradition datt ons roud Leiwen am August geint eng aner Natioun oplafen. Gudd Erennerungen ginn et der wéineg…
Säit 2006 hu mir bis elo nëmmen e positift Resultat ereecht an datt war 2007 mam 0-0 géint Georgien. Dem Guy Hellers seng Männer hatten deemols en Gläichspill vrun 1200 Zuschauer am Josy Barthel ereecht. Datt ass och schonn den eenzegen Liichtbléck. Sos goufen et nemmen Néierlagen. Ugefangen huet et 2006 mat engem “éierbaren” 0-1 géint Tiirkei, eiher mir eben dat Joer drop den Georgier dat ebengenannten Gläichspill getrotzt hunn.
2008 hatte mir dunn Mazedonien zu Besuch. Den Hellers hatt et deemols mat enger zimlech offensiver Equip probéiert, enner anerem mam Mutsch als Offensive Mettelfeldspiller. De Versuch goung trotz dem Kitenge sengem Goal an d’Bochs a mat 1-4 zu Enn.

Mam FC Déifferdéng op Utrecht

Fri, 26 Jul 2013 13:22:31 +0000

FCD-Fan sinn ech jo eigentlech net – mee wann awer esou e sympathesche Lëtzebuerger Veräin Coupe d’Europe spillt, an dat emol keng 400 Kilometer vu Lëtzebuerg eweg, läit et awer an der grousser Vakanz no fir dohinn ze fueren. Wann de Bus dann och nach vum Veräin gratis zur Verfügung gestallt a mäi Matblogger CK (deen och all Fotoen gemaach huet di an dësem Post ze gesi sinn) matkënnt, dann ass de Choix séier gemaach: mam Bus goung et also fir eis zwee, an nach 66 weider Déifferdénger Fans a Sympathisanten op Utrecht.

Haut viru 7 Joer – Lëtzebuerg – Portugal zu Metz (3.Juni 2006)

Mon, 03 Jun 2013 17:46:31 +0000

Ronn eng Woch virun der Weltmeeschterschaft an Däitschland koum et zu Metz zu engem Testmätch tëscht Lëtzebuerg a Portugal. Mat engem Bus goung et géint halwer 5 also Richtung Frankräich. Départ war, wéi ëmmer, um Park and Ride um Houwald. Während mer a Lëtzebuerg nach virum Beruffstrafic op der Autobunn waren, stounge mer spéider fir a Metz eranzefueren am Stau.

St.Petersburg!

Mon, 20 May 2013 10:00:58 +0000

Den engleschsprochege Wikipedia berifft sech op russësch Medien, no deene feststeet dass d’Sbornaja hier Heemmätcher géint Lëtzebuerg an Israel am September net an der russëscher Haaptstad Moskau, mee zu St.Petersburg giff ausdroen.

Maxime who ?

Wed, 24 Apr 2013 15:13:15 +0000

Haut kann een an der franséischer Online Ausgab vum Wort liesen datt a kuerzer Zäit e gewësse Maxime Chanot fir d’Roud Léiwe selectionabel wier. Ech muss agestoen datt och mir als fervente Fussballpolyphage keen agefall ass den dësen Numm dréit. Dofir war ech frou datt de Journalist vum Wort ons e bëssen erklärt huet ween de Maxime Chanot ass.

An do war e fort

Fri, 22 Mar 2013 19:09:31 +0000

Wei RTL lo grad informéiert huet ass de Chris Martins an enger “Nacht- und Nebelaktioun” aus dem Hotel verschwonnen.
Einfach trauereg wéi ee Spiller, säi Beroder a seng Famill mat enger Federatioun ëmginn. Nach méi schlëmm dat et schonn am Virfeld Rumeuren gi sinn datt hien Ofsoën waert an sech géint eng Nominéierung entscheed hätt. Datt hätt hien schonn engem Kolleg gesoot.
Do wär et ubruet gewierscht einfach ze soën datt en sech nach net entscheeden kann an mat opene Kaarten spillen. Et ass keen béis wann een fir en anert Land spillen wëll.
Fir mëch trotzdem e Fall deen hart bestrooft soll ginn. Och wann den Chris Martins reischt 16 Joër huet.

Super Mario am Wort Interview

Fri, 22 Mar 2013 12:11:40 +0000

Wei den Aurélien Joachim huet och den Mario Mutsch dem Wort e Videointerview ginn. Et dréiht sech do iwwert seng aktuell Form an natierlech dem Match vun haut.

“Keen ass sech senger Plaz sécher!”

Fri, 22 Mar 2013 08:45:00 +0000

Den Aurélien Joachim huet der franzéischer Online Version vum Wort en flotten Interview ginn. Hien beäntwert dem Fréderic Lambert seng Froën iwwert seng Situatioun zu Tilburg, säin éischt Profijoër, séng Zukunft an iwwert déi néi Talenter déi elo lues a lues un der Dier vun der A-Equipe klappen.
Vill Spass beim Liesen a Kucken

Bonne Chance, Kasachstan!

Wed, 20 Mar 2013 12:50:46 +0000

„Der Terminkalender ist übervoll, da wäre Abhilfe nötig. Ob es aus sportlicher Sicht Sinn macht, zweimal gegen Länder wie Kasachstan, Andorra, San Marino oder die Färöer anzutreten, darüber kann man schon diskutieren”, sou den Här Löw géigeniwwer dem Kicker, dee wuel net ganz motivéiert ass, säi Weekend zu Astana ze verbréngen.

Börti iwwert de Lännermatch

Tue, 19 Mar 2013 19:05:28 +0000

De mëttwoch kennt en Interview mam Berti Vogts am Lëtzebuerger Wort. Hien schwetzt natierlëch iwwert seng Equip mä veréit och wat hien vum Lëtzebuerger Fussball hällt.
Mir ginn och gewuer dat ‘Gladbach hanert engem jonke Lëtzebuerg war.

Lëtzebuerg – 1.FC Saarbrécken 3-2 (1-2)

Tue, 19 Mar 2013 09:03:28 +0000

Viru just ronn 150 Zuschauer huet d’Lëtzebuerger Nationalekipp sech gëschter Owend géint den 1.FC Saarbrécken mat 3-2 duerchgesat. No der laanger Wanterpaus hätt ee vläicht kënnen dervun ausgoen, dass den Appetit vun de Lëtzebuerger Supporter fir rem Fussball kucken ze goen méi grouss wier wi esou, mee dat kuerzfristegt Verleën vum Mätch vu Konsdrëf op Péiténg wiert eng Rei Leit ofgehal hunn, sech de Mätch ukucken ze kommen.

Comeback Kid !

Mon, 18 Mar 2013 08:44:32 +0000

No langer Zäit gouf de Billy Bernard nees fir d’Nationalequipe nominéiert. Bis elo huet hien e Lännermatch à 4 Minuten op sengem Konto. Fir de jonken Folaman kéinnten der an den nächsten Deeg e puer derbei kommen. Seng eenzeg Selektioun war 2010 bei der batterer 5-1 Néierlag a Wales.
No enger schwéierer Verletzung an e puer aner “petits pépins” féiërt den Innenvertéideger vum Galgebierg säi Comeback bei den Roude Léiwen.
Et bléift him ze wënschen dat dëst Kéier alles besser léeft.
source : Lequotidien

Am August trëffe mir op Litauen

Fri, 15 Mar 2013 18:05:56 +0000

Den 14ten August 2013 spillen ons Leiwen e Frënndschaftsmatch géint d’Equipe aus dem Baltikum. Déi zweet Begéignung zweschen denen zwou Equipen gëtt och des Kéier zu Lëtzebuerg gespillt.
2009 goung d’Première nach mat enger 1-0 Victoire fir Litauen aus. De gëllene Goal vrun 1500 Zuschauer hatt den Tomas Danilevicius an der 39ter Minutt geschoss.

Aserbaidschan, en onbekanntent Fussballland

Fri, 01 Mar 2013 07:18:15 +0000

Ons Jonge spillen de Freiden den 22 Mäerz am Kader vun der Weltmeeschterschaftsqualifikatioun géint den Aserbaidschan. Um Pabeier ass d’Land aus dem Kaukasus sécherlech net den attraktiivste Géigner mä mir probéieren iech trotzdem an de Genoss vun dem Match ze bréngen. Ass et nëmme bei de wéinegste Lëtzebuerger Fussballfrënn de Fall dat schonn nëmmen de Gedanken un en Lännermätsch d’Häerz zum schloe bréngt a Virfreed sech breed mécht, ass bei de meeschten de Géigener dat wichtegst. Bei Matcher géint Portugal, Frankräich an Holland ass jiddereen dobäi awer wann den Aserbaidschan…, (“Gesondheet !” “Ech hunn net genéitscht Stippi, ech liese grad mäin Artikel iwwert den Aserbaidschan …” ” Ech hunn dir jo gesot dass dë solls e Schall undoen !” ) kennt … mä grad do läit dir falsch. Den Aserb… also d’Land um kaspësche Mier ass ee flotte Géigner wann een sech e bësse fir en interesséiert. Dat ass wéi mat der Vakanz. Wou läit de Ureiz a Portugal oder Holland ze goen ? Mainstream ! Scho gefillten dausend Mol do gewiescht. Wee kann da schonn op Facebook mat Instagramm Foto’en vu sech um Vëlo vrun enger Wandmillen oder beim Iesse vu Frikandele Punkten ? Genee, mir hunn ons verstan. Awer da maacht dat selwecht mol mat engem Bild vun engem Teller Duchbara oder mat iech op engem Päerd an de Bazardüzü als Hannerplang. Abenteuer pur ! Net grad sou ergeet et iech wann dir e Match vun onse Jonge géint den Aserbaidschan kucke gitt, awer bal.

Eng Saison iwwert d’Kalennerjoer – firwat net?

Tue, 12 Feb 2013 13:09:18 +0000

Sonndegmoien, den 2.Dezember 2012. Eigentlech wëll ech de Mëtteg meng Ekipp am lëtzebuerger Veräinsfussball op hirem Auswäertsmätch ënnerstëtzen mä

et huet hënnt geschneit, wann och nëmmen e bëssen, a lo waarden ech emol op eng SMS vun engem Responsabele vum Veräin, respektiv eng Notiz op flf.lu op de Mätch de Mëtteg iwwerhaapt ka gespillt ginn. Sou oder ähnlech geet et sëcherlech net just mir, mee och villen anere Supporter, grad wéi och Traineren a Spiller uechtert d’Land – vun der Nationaldivisioun bis erof an di ënnescht Divisiounen.

1-1 géint Armenien

Wed, 06 Feb 2013 07:56:33 +0000

Vrun enger desolater Coulisse, ongeveier 1000 Zuschauer, am Stade Georges Pompidou spillen ons Roud Leiwen 1-1 géint Armenien. An der 15ter Minutt huet den Mario Mutsch ons 1-0 a Féierung geschooss. Armenien huet an der 45 Minutt aus enger abseitsverdächteger Positioun ausgeglach.
Liesst hei de Live vu Wort.lu

Sorry, no broadcasting !

Tue, 05 Feb 2013 08:48:25 +0000

Vill Armenier a vill Lëtzebuerger maachen den Owend wuel dat selwëscht, se kucken de Frëndschaftsmatch Armenien-Lëtzebuerg… NET !
De Match deen den Owend zu Valence (FR) stattfennt gett net iwwerdroën. Et gi wahrscheinlëch mol keng Biller vum Match opgeholl. Eng “wonnerbar” Néiegkeet am Zäitalter vun der Kommunikatioun. Trauereg dat Dausenden vun Supporter vu béide Säiten net an de Genoss vun enger Iwwerdrohung kommen. Nach méi schlëmm wann de Match mol net an engem vun den zwee betreffenden Länner ausgedroën gett.
Spuert ärch den Owend Zäit an fänkt net mam Sichen vun Internet Live Streams an etc un, et ginn der kéng.
Vill Spaass bei “Grey’s Anatomy”…

Aurélien Joachim am T- Interview

Tue, 05 Feb 2013 08:18:38 +0000

D’Christelle Diederich vum Tageblatt huet leschten WE zu Tilburg den Aurélien Joachim getraff. No hirer 1-3 Défaite geint Feyenoord stung hien der Journalistin Ried an Äntwert. Liesst hei eng kléng Virversioun vum Interview. Déi ganz Versioun ass an äre T-Ausgab vum 5.2.13.

Mchitarjan- Superstar !

Mon, 04 Feb 2013 13:13:30 +0000

Muer, de 5 Februar 2013, spillt ons Nationalequipe zu Valence a Frankräich e Frëndschaftsmatch géint Armenien. D’Land wat zwësche Georgien, Tierkei, Aserbaidschan an Iran läit ass e fussballerescht Rätsel. Wann en dem Gespréich vun de Supporter a Fussballinterresséierte Leit nolauschtert hätt Lëtzebuerg gutt Chancë fir muer e positiivt Resultat ze erreechen. Armenien konnt säit hirem éischte Match an dem Zerspläitere vun der UDSSR nach ni un enger Welt- oder Europameeschterschaft deelhuelen.
De meeschten ass dobäi entgaangen datt Armenien an der Weltranglëscht eng Plaz vrun onsem Angschtgéigener Israel läit an dat se mam Henrich Mchitarjan e richtege Superstar an hire Réien hunn. De 24 järege Mëttelfeld-Ass spillt säit 3 Joer fir Schachtar Donesk a mat engem Wäert vu geschätzte 17 Milliounen Euro zielt hien zu engem wäertvollste Spiller vu Fussballeuropa. An der aktueller Spillzäit huet hien ( toutes compétitions confondues) an 31 Mätcher 22 Goaler geschoss. Eng Bemierkenswert Statistik fir ee Mëttelfeldspiller.
Nieft dem Superstar kann een nach de Roman Beresowski eraushiewen. De Goalkeeper vum Dynamo Moskau spillt säit 1996 fir säi Land a genéisst bei de Supporter wéinst senge stabile Leeschtungen eng grouss Popularitéit.

Kader fir de Match géint Armenien

Fri, 01 Feb 2013 10:12:24 +0000

http://www.wort.lu/fr/view/selection-a-vingt-a-valence-sans-payal-avec-les-expatries-510b8882e4b0d95920ca3035

Ouni de Maurice Deville (firwat?), dofir awer all aaner Legionären mat u Bord. Wéi gewosst fehlt de Payal verletzt, de Bensi ass awer no sénger Verletzung aus em Match géint Metz derbäi.

Chris Philipps, roud oder grenat ?

Tue, 29 Jan 2013 12:37:27 +0000

Den Owend um 18h30 spillt ons Nationalequipe zu Monnerech géint den FC Metz en Testmatch. Fir de jonke Chris Philipps ass dëst eng wichtëg Partie, op béide Säiten waart hien op den Duerchbroch. Dem Quotidien huet onsen talentéierten Vertéideger en Interview ginn. Klickt héi

Mam lëtzebuerger Fussball zum Bachelor-Diplom

Tue, 29 Jan 2013 05:00:17 +0000

De Manou Goergen huet sech fir seng Bacheloraarbecht de lëtzebuerger Fussball zur Broscht geholl, dobäi eng ganz Rei Vergläicher zu deene grousse Klibb aus dem Ausland gezunn an eng ganz Rei Ënnerscheeder festgestallt. Fir den “Huel Se!” huet hien hei seng Feststellungen resuméiert.

Bonne Chance, Ronny Souto!

Sun, 27 Jan 2013 21:54:21 +0000

Während de Fussball hei am Land nach am déiwe Wanterschlof läit ass ee Spiller aus eiser Nationaldivisioun e puer Dausende Kilometer méi südlech scho rem am Asaz: wéi der vläicht scho matkritt hudd, steet de Ronny Souto vun der Fola Esch am Kader vun der kapverdianescher Nationalekipp beim Africa Cup of Nations an ass an deenen 3 Gruppemätcher vum Cap Verde zweemol agewiesselt gin.

Olé, el León Rojo !

Wed, 16 Jan 2013 10:07:31 +0000

photo : Julien Garroy/archives lq

De Reinhold Breu, den Techneschen Direkter vun der FLF, äussert sech no senger Kontraktverlängerung vu 3 Joer iwwert den Ausbildungswee vun onse jonke Léiwen. Dem Quotidien erklärt hien dat ënnert senger Leedung ons Nowuessspiller méi Wert op dat Kreatiivt an Offensiivt leeë sollen.

Testmatch den 29.Januar géint den FC Metz

Tue, 15 Jan 2013 09:34:27 +0000

http://www.wort.lu/de/view/luxemburg-testet-gegen-den-fc-metz-50f520abe4b0092f07fcc906

Ustouss um 18h30, wou gespillt gëtt, steht nach net fest. Waarde mer och emol of, wéi d’Wieder bis dohinner ass.

pop pop populär pop !

Sat, 12 Jan 2013 08:51:50 +0000

Mam Duerchbroch zu Stammspiller an hire respektive Veräiner hunn ons dräi Profien, Gerson, Mutsch a Joachim natierlech och eng gewësse Popularitéit erreecht. Wéieen Spiller méi Trikot’en verkaf huet a ween déi Meescht Likes op Facebook krut kennt dir hei liesen.

De Chris Philipps ass vun elo u bei de Profien

Wed, 02 Jan 2013 10:46:19 +0000

Laut wort.lu huet de Chris Philipps et elo och zu Metz an d’A-Equipe gepackt, och wann hien dobäi vun Ofgäng bei de Louthrénger profitéiert. E méi héijen Trainings-Rythmus kann hie jo just weider bréngen an domatt och der Nationalequipe hëllefen!

Knuppefreed !

Wed, 02 Jan 2013 09:30:14 +0000

Deeglaang hunn d’ Virbereedunge fir dat grousst Fest gedauert. D’ Frënn an d’ Famill sinn agelueden, d’Kanner freeën sech scho fir méi laang opbleiwen ze kennen an d’Elteren hunn sech ëm den Akaf an dem Zoubereede vum Réveillonsiesse gekëmmert. Am volle Caddie vum Supermarché mat der Wüstepflanz, hu sech nieft diversen Delikatessen an alkoholeschem Gedrénks natierlech och e puer Rakéite gesellt. D’Gäscht sinn ukomm d’Rutsche kann ufänken. No e puer Stonne mat guddem Iessen an nach besserem Schampes, kacht d’Stëmmung iwwer. De Papp a de Monni spieren sech wéi wann si nees 17 Joer hätten, sangen al Gassenhauer, erzielen al Geschichte wou d’Damen d’Aan verdréine vu dat si déi Heldentaten schonn zum gefillten dausendste Mol héieren.Duerno probéiert d’Partygesellschaft sech um Gagnam Style déi d’ Kanner opgeluecht hunn an sech natierlech kromm laache wéi hier erwuesse Familljememberen sech de Batti stellen.

David Caiado huet de Goal vum Joer a Bulgarien geschoss

Thu, 27 Dec 2012 18:59:04 +0000

Den David Caiado huet de Goal vum Joer a Bulgarien geschoss. Deen zu Lëtzebuerg gebuerene Mëttelfeldspiller vu Beroe Stara Zagora huet mat sengem Goal géint Litex d’Wiel fir de schéinste Goal 2012 a Bulgarien gewonnen.
Et bleift weiderhin ze hoffen dat den David Caiado demnächst mat de Roude Léiwen oplafen dierf.
Vun eis aus Gratulatioun fir dëse wonnerschéine Goal !

E Réckbléck op d’Joer 2012

Mon, 24 Dec 2012 15:34:18 +0000

D’Feierdeeg stinn an d’Haus, d’Joer geet dem Enn zou a wéi dat dann üblech ass wëll ech och vun dëser Plaz aus eemol kuerz op d’Joer 2012 zréckblécken.

A. Joachim am Wort Interview nom Ajax Match

Tue, 18 Dec 2012 07:48:54 +0000

Haut ass am Wort een Interview mam Aurélien Joachim. Ich werde noch stärker spielen ass d’Haaptausso. No dräi Méint an dräi Goaler an der Eredivisie huet de lëtzebuerger Stiermer esou lues seng Marquë fonnt an trotz de Schwieregkeeten am physësche Beräich huet hie sëch als Stuermspëtz duerchgesaat. Mat den dräi geschoss Goaler ass hien och momentan beschte Buteur vu Willem II an dat trotz enger Verletzungspaus an de éischte Schrëtt am Profifussball.
Hien äussert sech och zu senger Kontraktsituatioun a kann sech net virstellen dem Profifussball de Réck ze dréinen.
Et kann een sech fir onse sympathesche Buteur freeën an dat net nëmme fir hie perséinlech mä och op Hisiicht op ons Nationalequipe. Wat e Profistiermer der Nationalequip brénge kann huet ee vrun zich Joer jo schonn mam Roby Langers gesinn.

Dräi Léiwen an der Auswiel zum Sportler vum Joer

Thu, 13 Dec 2012 15:14:36 +0000

Den Owend wielen Sportsjournalisten am Casino 2000 de Sportler vum Joer. Ënnert denen 9 Nominéiert sinn dräi Léiwen. Nieft Jeff Henckels, Dirk Bockel, Laurent Carnol, Bob Jungels, Raphaël Stacchiotti a Gilles Müller ass den Trio Gerson, Mutsch a Joachim. Et gett wuel eng ganz enk Entscheedung well et kee richtege Favorit dëst Joer gett.
Mir drecken natierlëch onse Futtballisten d’Daumen ! Vill Gléck Jongen

Radio-Sport-Club mam Dan Da Mota

Wed, 12 Dec 2012 17:31:02 +0000

Dëse Freiden ( 14.12.2012) ass den Dan Da Mota am RTL Sport Club zu Besuch. Den Auteur vum schéinste Goal ( beim 1-2 géint Portugal) säit laangem oder besser gesoot de schéinsten iwwerhaapt an dem wichtegsten, beim 1-1 zu Belfast, an dëser Compagne huet bestëmmt genug z’erzielen. Ët heescht also eralauschteren. D’ Sendung fänkt um 13h30 un.

Et ass de Josy !

Sat, 17 Nov 2012 19:04:49 +0000

No jorelaangen Discussiounen ass endlech eng Entscheedung am Thema Nationalstadion gefall. De Romain Schneider huet de Moien um FLF Kongress erklärt datt de Stade Josy Barthel renovéiert gëtt. D’Entscheedung ass no enger Zesummenaarbecht mat der FLF gefall. Domadder sinn d’ Projet’en vu Léiweng an Déifferdeng vum Dësch. Trotzdem muss ee souwuel den Här Becca wei den Här Meisch luewen datt si sech iwwerhaapt fir de Lëtzebuerger Futtball agesat hunn. Och wann si natierlech dobäi hier eegen Interessie vertrueden hunn a bei enger Entscheedung fir hire Projet e gewësse Profit erausgespronge wier. Mä soit, den éischtgenannten huet de Steen un d’ rulle bruet an den Déifferdenger Buergermeeschter huet schlussendlech de leschten Drock ausgeübt fir datt endlech eng Decisioun gefall ass.

Haut viru 5 Joër … mam M-Block op Rotterdam

Sat, 17 Nov 2012 09:58:20 +0000

Um 17.November 2007 stoung e Mätch zu Rotterdam fir d’Rout Léiwen un, bei deem ech giff léien wann ech giff behaapten et wier fir mech e Mätch wi all aneren och: säit der EM 1996, als fir meng Generatioun „säit ëmmer“ hunn ech grouss Sympathien fir d’Elftal. Deemols, op der Europameeschterschaft an England, hunn ech eigentlech fir d’éischte Kéier bewosst Fussball gekuckt, (a wëll ech an der grousser Vakanz ëmmer an Holland war war Oranje op deem Tournoi „meng“ Ekipp) an ech hu mech an Zwëschenzäit dacks gefrot ob ech dee selwëchte Lien zum Fussball hätt wann ech deemols di Mätcher vun der Europameeschterschaft 1996 net gesinn hätt…

FLF Kader géint Schottland

Sat, 10 Nov 2012 09:11:55 +0000

Geschter huet de Luc Holtz de Kader fir de Match geint Schottland publizéiert. Kleng Iwwerraschungen sinn och derbei. De Kevin Malget an den David Turpel si beikomm. Dem Verteideger vum F91 säi Retour gouf jo schonn bei Huel se! spekuléiert an den Ettelbrécker Stiermer huet an deser Saison mat 6 Goaler op sech opmierksam gemeet. Net derbei ass den Aurélien Joachim deen un weinst enger Reppeverletzung ausfällt.

Comeback ?

Fri, 09 Nov 2012 10:00:45 +0000

Nee mir schwätzen elo net vun der Lëtzebuerger Sitcom mä iwwert de méigleche Retour vum Kevin Malget an d’ Nationalequipe.
Säit méi wei engem Joer spillt de Welzer Jong fir de F91 a vru kuerzem schéint hien den Duerchbroch beim Meeschter gepackt ze hunn. Säit sengem Retour op Lëtzebuerg huet hien Schwieregkeeten gehatt sëch duerch se setzen an war net méi wéi een Ergänzungsspiller. Bei de leschten dräi Mätscher ass den 21 Joeren ale Verteideger explodéiert an zu méi wéi enger Alternativ zum Caillet an Tournut ginn. Zwee Goaler an eng vun der Presse gefeierter Leeschtung an der Defensive hunn deen zu Ooche forméierte Spiller nees an de Fokus vun der Nationalequipe bruet. Bis elo huet de Malget ganz wéineg Mätscher fir d’Roud Léiwe gemeet an ass och scho méi laang net méi geruff ginn. Säi leschten Internationale Mätsch war am September … 2011 fir … d’ U21.

E klenge Virgeschmach

Thu, 08 Nov 2012 05:44:46 +0000

A 6 Deeg spillen ons Roud Léiwen e Frëndschaftsmatch géint Schottland. Hei bei Huel Se! fänke mir schonn un e bessen nervös ze ginn.

Iwwert de Sënn, a virun allem och den Onsënn vun der FIFA-Weltranglëscht

Wed, 07 Nov 2012 16:56:11 +0000

Ganz sëcher sinn ech net deen eenzegen, deen ugangs Oktober iwwerascht war ze liesen, dass Lëtzebuerg 36 Plazen an elo am November nach eemol 2 weider Plazen an der FIFA-Weltranglëscht verluer huet – Am September hu mer knapp géint Portugal verluer, doraus wierten di Häre Blatter a co eis jo kee Stréck wëllen dréinen, an an Nordirland hu mer och ëmmerhin e Punk geholl– an awer si mer vun der Plaz 106 op d’Plaz 144 erofgerutscht.

Et geet virun

Wed, 07 Nov 2012 10:29:52 +0000

Wei haut am Quotidien ze liesen ass geet d’ Gemeng Déifferdeng hire Projet iwwert den Ausbau vun hirem Stade Communal zum Stade National nächst Woch op Monnerech bei d’FLF présentéieren. D’ Equipe vum Herr Meisch probéiert domadder de Verwaltungsrot vun der Lëtzebuerger Footballfederatioun op hier Säit ze gewannen. De Sportminister Romain Schneider huet erklärt datt de Conseil d’Administration an d’ Entscheedung iwwert de Stadion agebonne gëtt. Dat sinn gutt Noriichten am Virfeld vrum UEFA congrès vu datt de Platini FLF jo scho gewarnt hatt datt d’ Infrastrukture bis 2014 “en norme” misse sinn.

Lars Gerson am Tageblatt Interview

Tue, 06 Nov 2012 16:56:08 +0000

D’ Zäit zwëschen zwee Lännermätscher kann engem zimlech laang virkommen. Flott ass et da wann , wei elo am Tageblatt, en Interview mat engem vun onsen Nationalspiller erauskënnt. De Lars Gerson huet op dem Dan Elvinger seng Froe geäntwert.

Deville Interview am Wort

Sat, 03 Nov 2012 14:01:39 +0000

Maurice DEVILLE no sengen 2 Goaler géint Mazedonien

Am Wort gëtt et haut een Interview vum Maurice Deville. Den 20 järege Stiermer vun Elversberg ass un engem wichtege Punkt a senger Carrière ukomm. Dëst Joer schéint hien den Duerchbroch gepackt ze hunn. Liest hei wat hien driwwer ze soen huet.

YES HE CAN !

Wed, 31 Oct 2012 08:26:27 +0000

D’IFFHS ( International Federation of Football History and Statistics ) organiséiert een Onlinevote fir d’ Wiel vum populärste Futtballspiller. An der éischter Ronn ( vum 15ten Oktober bis den 30ten November 2012) ginn déi 5 beschtplazéiert Spiller aus Afrika, Asien an dem CONCACAF Raum gesicht dozou gesellen sech déi 8 Bescht aus Europa a Südamerika an de beschten aus Ozeanien. Vum 1ten Dezember 2012 bis den 3ten Januar 2013 gëtt an der zweeter Ronn de populärste Spiller aus dem Pool vun deenen 32 Kandidate gewielt.

Marketing géint den Zuschauerschwund

Sat, 27 Oct 2012 12:32:55 +0000

Hei e Lieserbréif, deen ech erëm fonnt hunn, deen eng Äntwert ob eng Analyse vum Wort vu virun 10 Méint war. Leider gouf dee Bréif nie verëffentlecht, dofir dart Ganz haut elo hei op huelse.lu (op däitsch, well ech en deemols op däitsch eraginn hat):

D’Waarden op den David Caiado

Sat, 27 Oct 2012 09:49:14 +0000

Säit e puer Joer geeschtert de Numm vum David Caiado duerch ons Medien. Scho während der Hellers-Ära huet de Caiado säi Wonsch geäussert fir Lëtzebuerg ze spillen. Bis elo huet hien datt awer nach keng Minutt fir ons gemaacht. De 25 jaeregen Spiller vu Beroe Stara Zagora ass zu Lëtzebuerg gebuer, huet bis 13 Joer hei gewunnt an seng éischt Fussbäll zu Hesper gekickt. Fir sengem Dram vum Futtballprofi méi no ze kommen ass hien a Portugal gaangen. Iwwer Academica ass hien duerno an d’Futtballschoul vum Sporting Lissabon komm. Dat hier Nowuesesaarbecht zu enger vun der beschter op der Welt gehéiert ass net nëmmen an de spezialiséierte Fussballkreeser gewosst. Ënner anerem ass et d’Talentschmied déi Spiller wéi Figo, Nani a Cristiano Ronaldo erausbruet huet. Dat de Caiado keng zwee lénks Féiss huet ass kloer an och seng 5 Mätscher an den U16 an U19 Selektiounen vu Portugal beweisen dat hien Talent huet.  Nodeems hie 5 Joer laang seng Ausbildung gemeet huet war hien um Sprong an d’éischt Equipe vum Sporting.

Videopresentatioun vum Aurélien Joachim

Fri, 26 Oct 2012 16:57:04 +0000

Een Tëleesinterview vu 5 min. Et ass eng Presentatioun vum Aurélien Joachim mat senge momentane beschte Momenter.

Vill Spaass

Ëmfro iwwert de Lëtzebuerger Fussball

Thu, 25 Oct 2012 19:08:29 +0000

Den Manou Georgen as e Lëtzebuerger Student den zu London International Buisness studéiert a séng Ofschlossarbescht as iwwert de lëtzebuerger Fussball. Fir him bei deser Arbescht ze hellefen kennt dir un enger Ëmfro deelhuelen.
Ëch hun se gemeet an sie as héisch interessant a munch Fro léisst een schmunzelen. D’Ëmfro as op englësch.

Der Mega-Duché du Lëtzebuerg

Sun, 21 Oct 2012 06:03:10 +0000

Bei huel se! geet et, wéi der wësst, ëm Fussball. Politik gehéiert onser Meenung no net an de Stadion an net op den Terrain. Mee Politesch Entscheedunge betreffen natierlech och de Sport. Bei onse Belsche Frënn kennen si ee Lied dovunner sangen. Säit Joere bekämpfen sech d’Parteie vun de verschiddene Regiounen. An et gëtt oft domadder gedréit datt d’Land ausernaner fale kéint. Als Konsequenz géifen déi eng dann zu engem Autonome Staat ginn an déi aner géifen un aner Länner annexéiert ginn.

Willem II verléiert 2-3 géint de PSV

Sat, 20 Oct 2012 19:50:41 +0000

An der Paus stung ët nach 2-0 fir den Aussensäiter aus Tilburg. Den Aurélien Joachim huet den 1-0 vum Podevijn mat enger Pass op den Sneijders ageleed. Kuerz drop huet den Niek Vossebelt mat engem Schlënzer op 2-0 erhéischt.
An der Paus huet den Dick Advocaat wuel déi richtëg Wierder fonnt well den PSV huet opgedréit. Bis zur 68 Minute huet Willem II stand gehaalen an sinn duerno leider richtëg iwwerrannt ginn. Strootman (x2) an den Matavz treffen fir de Phillips Club an dommadder bleiwwen déi dräi Punkten do.
Ee Match op deen d’Equip vum “Auré” opbauen kann.

Nationalstadion – Projet Uewerkuer

Sat, 20 Oct 2012 04:00:20 +0000

No RTL Informatiounen kennt Bewegung an den Dossier. Den DP Buergermeeschter vun Déifferdeng, Claude Meisch, huet dem Sportminister Romain Schneider seng Iddi vun der Erweiderung ( ëm déi 8000 Sëtzplazen) vun hirem Stadium op den Dësch geluet. Den Déifferdenger Stadion, den am August réischt seng Dieren opgemeet huet, huet momentan eng Kapazitéit vun 2000 Sëtzplazen. Fir d’Erweiderung missten zwou weider Tribünen opgeriicht ginn an et géif ëm déi 13 Mio kaschten. Bis elo sinn 16 Mio vun der PPP ( Public Private Partnership) investéiert ginn. Et ass elo um Herr Schneider fir eng schnell Entscheedung ze treffe well d’Baufirma bis zum Enn vum Joer Bescheed wësse muss.

Holtz zitt Oueren lang

Thu, 18 Oct 2012 13:55:42 +0000

source: www.tageblatt.lu
Den Nationaltrainer zitt onsen 3 Profi’en d’Oueren lang. Hien bemängelt hier Asätz wäehrend den zwee Mätcher géint Israël. Besonnëg kritiséiert hien den Aurélien Joachim, deen zwee Mol an der Paus ausgewiesselt gouf. De Lars Gerson schéint och nët déi bescht Kaarten méi ze hun. Am beschten kennt den Mario Mutsch nach eweg obwuel hien un dem engen oder anneren Géigegoal implizéiert war.

Back to Basics?

Wed, 17 Oct 2012 17:12:54 +0000

Et ass mer am Kader vun den 2 Israel-Matcher opgefall, datt vun etleche Säiten iwwer d’Taktik vun eise Roud Léiwe geschwat ginn ass. Sief et vum Trainer selwer (4-2-3-1 als moderne System, deen offensiv ka sinn wann de Block kompakt steht), sief et vun den Experten vun ausserhalb (5-4-1, Jeff Strasser um RTL) an och an der Press goung driwwer riets, wéi eis Jonge sollte spillen. Defensiv stounge mer jo schlecht, d’Mëttelfeld huet d’Bäll net gehal esou datt den eenzege Stiermer kaum verwäertbar Bäll krut.

Statistike vum Match

Wed, 17 Oct 2012 13:02:04 +0000

Hei d’offiziell Statistike vum Match Israel vun uefa.com:

http://www.uefa.com/worldcup/season=2014/matches/round=2000294/match=2008670/index.html

The times are (not) a changin

Wed, 17 Oct 2012 11:41:53 +0000

Vrun zig Joëren hu verschidden Blogger vun huelse! mat Hëllef vun anner Supporter ee Lieserbréif erstallt deen nawell e bessen Raisonanz krutt. Ëch selwer si vu villen Kollegen, Bekannten a Familjenmemberen dorobber ugeschwaat ginn an krutt vill Félicitatiounen.

Camille’s dog

Wed, 17 Oct 2012 09:08:35 +0000

Ët as nees esouweit. Auswäertsmatch Israël-Lëtzebuerg. 4 Deeg no engem 6-0 Debackel géint de sëlweschten Géigener. Vu daat Israël bal um anneren Enn vun der Welt läit sinn verständlëcherweis nët vill Supporter matgeflunn. An Hurra, den RTL iwwerdréit op hierem zweeten Programm. Ët gläicht engem Wonner ! Iergendwéi as ët ëmmer nees eng riesen Iwwerraschung wann “onsen” Sender aus friemen Länner Live Sportbiller iwwerdréit. D’Zuschauer freeen sëch well een sëch elo nët vrun den Komputer setzen muss an no iergendengem Livestream mat hebräischem Kommentar um weltwäiten Netz siichen muss. Dofir all op de Canapé a vrun d’ Flimmerkëscht. Waat ee Luxus fir d’Nerven an den Hënneschten.

Paradoxon Luc Holtz

Tue, 16 Oct 2012 11:12:17 +0000

De Laurent Schüssler analyséiert gëschter an haut am Wort relativ gutt, wéi de Luc Holtz sech alt selwer an d’Bredouille bréngt matt Aussoen vis-à-vis vun der Press an och dee Moment a Punkto Equipenopstellung. Ouni elo op den Detail anzegoen, hunn ech effektiv heiansdo den Androck, datt munch Opstellung vun engem Spiller (wéi e Freideg Bukvic & Philipps an der Zentralverdeedegung) einfach aus Aktionsismus gemat get oder vläicht fir esouguer der Press, déi vläicht gutt analyséiert, ze weisen wie Chef ass. Dat ass natirlech schwéier ze beweisen, fest steht awer, datt vill Leit vu bausse fannen, datt net ëmmer déi stärksten 11 um Terrain steht.

Huel se elo online

Wed, 10 Oct 2012 11:26:49 +0000

Ab elo si “mir” mat engem Blog iwwert d’lëtzebuerger Nationalekipp an de Fussball zu Lëtzebuerg online. “Mir”, dat sin momentan 5 Leit, déi sëch an deem läschte Joerzéngt duerch d’lëtzebuerger Nationalekipp an den M-Block kenne geléiert hun an kaum ee Match vun der Nationalekipp verpasst hun.